Навіны

Палітычнага аглядальніка Ігара Ільяша затрымалі 16 ліпеня. І на першым часе было незразумела, на якой падставе. Толькі праз некалькі дзён стала вядома, што Ігар з’яўляецца  фігурантам крымінальнай справы па артыкуле 342 КК — “арганізацыя альбо ўдзел у дзеяннях, якія парушаюць грамадскі парадак”. Нягледзячы на такі сур’ёзны артыкул, праз 10 дзён Ільяш выйшаў з Акрэсціна на свабоду. Ці чакаў Ігар, што пасля прысуду жонцы, журналістцы тэлеканала "Белсат" Кацярыне Андрэевай, яго пакінуць у спакоі? Якім было стаўленне да яго і іншых палітычных з боку следчых і супрацоўнікаў Акрэсціна? Пра гэта ды шмат што іншае гаворым з журналістам, суаўтарам кнігі “Беларускі Данбас” Ігарам Ільяшом.

Беларуская асацыяцыя журналістаў выказвае глыбокія спачуванні нашаму калегу Сяргею Будкіну з нагоды смерці таты. Вельмі падтрымліваем цябе, Сяргей, і ўсю вашу сям'ю. Сілаў усё гэта вытрымаць. Смуткуем разам з вамі...

“Цэнтр Гарадскога жыцця” ў Гродне стаў месцам, дзе да 12 жніўня 2021 года працуе выстава вядомага фатографа Аляксандра Саенкі. “Мае сябры з’ехалі, каманда распалася за апошнія некалькі месяцаў,  каментуе ідэю выставы  Аляксандр Саенка, — мне стала адзінока і замест таго, каб пайсці да псіхатэрапеўта, я пайшоў у лес”.