Навіны

24 чэрвеня у судзе Іванаўскага раёна Брэсцкай вобласці мусіць пачацца судовы працэс над Сяргеем Гардзіевічам — драгічынскім карэспандэнтам інтэрнэт-партала “Першы рэгіён” (1reg.by).

  24 чэрвеня ў Менску пачнецца суд у справе прызнаньня прадукцыі Tut.by на партале і ў сацсетках экстрэмісцкай. Стала вядома, якое заключэньне дала рэспубліканская камісія адносна матэрыялаў рэдакцыі. Высновы камісіі леглі ў аснову пазову МУС супраць сайту, піша Tut.by.

Гродзенскі аператар-фрылансер Алесь Дзянісаў разам з жонкай Наталляй і дачкой Дар’яй 22 чэрвеня наведаў упраўленне Следчага камітэта па Гродзенскай вобласці. Сям’ю Дзянісавых выклікалі ў СК у якасці сведак па крымінальнай справе “Мажэйкі – Пушкіна”.

У кватэру да паэткі і тэлевядоўцы Валярыны Куставай, а таксама да яе бацькоў і на афіцыйную працу сілавікі прыйшлі ў пачатку чэрвеня. Але яе дома не аказася. Неўзабаве Валярына выехала ў Польшчу, пазней да яе вывезлі і двухгадовую дачку. Па інфармацыі адваката, у Беларусі паэтка стала фігуранткай як мінімум дзвюх крымінальных спраў — за падаткі і за фінансаванне парушэння грамадскага парадку (артыкулы 342 і 243 КК). Каб знайсці пацверджанні віны, як сцвярджае сама Валярына, супраць яе прымушалі сведчыць знаёмых. А тыя, хто яе не здаў, нібыта адправіліся на суткі.

У судзе Цэнтральнага раёна Гомеля 21 чэрвеня а 15:40 суддзя Кармановіч прызначыў абвяшчэнне выраку лідару метал-гурта Gods tower Уладзіславу Наважылаву па абвінавачванні ў публічнай абразе чыноўніка і падрыў аўтарытэту ўлады (арт.369 Крымінальнага кодэкса).