Навіны

Сваякам Ягора Марціновіча прыйшлі адразу два лісты ад яго. Адзін напісаны 22 ліпеня, калі рэдактара толькі перавялі на “Валадарку”, на другім няма даты. Пасланьні прыйшлі ў канвэртах першай клясы.

Кіраўніцу Лунінецкай філіі ГА "БАЖ" Алену Насковіч выклікалі ў мясцовы аддзел КДБ на размову. Алена праходзіць сведкаю ў межах крымінальнай справы. Падрабязнасцяў яна не можа распавесці, бо знаходзіцца пад падпіскаю аб неразгалошванні.

Газета «Информ-прогулка» спыніла выхад у друкаваным выглядзе. Прычына: тыпаграфія скасавала дамову з рэдакцыяй. Выданне можна чытаць на вэб-сайце inform-progulka.by.

Так выглядалі кватэры пасля вобшукаў 8 ліпеня. У той дзень былі затрыманыя чацвёра супрацоўнікаў "Нашай Нівы": галоўны рэдактар Ягор Марціновіч, кіраўнік аддзела рэкламы і маркетынгу Андрэй Скурко, галоўны рэдактар часопіса «Наша гісторыя» Андрэй Дынько і галоўны бухгалтар Вольга Раковіч. Двое — Марціновіч і Скурко — застаюцца за кратамі, 28 ліпеня ім было выстаўлена абвінавачванне. 

Сёння скончылася 10 сутак ад моманту паўторнага затрымання супрацоўнікаў НН па крымінальнай справе, калі следства павінна было прад’явіць абвінавачванне. Ягора Марціновіча і Андрэя Скурко не вызвалілі, яны застаюцца ў СІЗА на Валадарскага. Вынікае, што ім прад’явілі абвінавачванне па ч.2 арт. 216 КК (нанясенне маёмаснай шкоды без прыкметаў раскрадання групай асобаў).

Прыватная ўстанова «Цэнтр дадатковай адукацыі дарослых «Студыя карысных кампетэнцый» таксама знаходзіцца ў стане ліквідацыі. Так вырашыў Гродзенскі гарвыканкам 23 ліпеня. Тады ж прынялі рашэнне пра ліквідацыю «Гродзенскага рок-клуба». Дырэктарка ўстановы Лана Руднік пракаментавала сітуацыю ў сваім акаунце ў Facebook.

Палітычнага аглядальніка Ігара Ільяша затрымалі 16 ліпеня. І на першым часе было незразумела, на якой падставе. Толькі праз некалькі дзён стала вядома, што Ігар з’яўляецца  фігурантам крымінальнай справы па артыкуле 342 КК — “арганізацыя альбо ўдзел у дзеяннях, якія парушаюць грамадскі парадак”. Нягледзячы на такі сур’ёзны артыкул, праз 10 дзён Ільяш выйшаў з Акрэсціна на свабоду. Ці чакаў Ігар, што пасля прысуду жонцы, журналістцы тэлеканала "Белсат" Кацярыне Андрэевай, яго пакінуць у спакоі? Якім было стаўленне да яго і іншых палітычных з боку следчых і супрацоўнікаў Акрэсціна? Пра гэта ды шмат што іншае гаворым з журналістам, суаўтарам кнігі “Беларускі Данбас” Ігарам Ільяшом.