Навіны

Як распавёў Ігар Казмерчак, да яго на працу (ён з’яўляецца ўладальнікам крамы сувеніраў з патрыятычнай сімволікай) прыйшла памочніца пракурора ў суправаджэнні міліцыянта.

У Гродне 27 верасня падчас працы затрымалі журналіста newgrodno.by, сябра ГА “БАЖ” Ігара Бублікава (Рэмзіка). Амаль суткі ён правёў за кратамі, зараз яго чакае суд.

Чарговы нумар «Народнай Волі» не трапіў да падпісчыкаў і ў кіёскі. Намесніца галоўнага рэдактара Марына Коктыш распавяла, што газета была своечасова здадзена ў экспедыцыю, але да чытача так і не трапіла.

У Мінску судзілі журналістаў, якія былі затрыманыя 27 жніўня падчас масавых мірных пратэстаў. Суды адбыліся над журналістамі: Андрэем Ярашэвічам, Аляксандрам Васюковічам, Кацярынай Андрэевай, Максімам Гарчанком. На іх склалі пратколы за ўдзел у несанкцыянаванай акцыі  (арт. 23.34 КаАП). Працэсы ішлі па відэасувязі, то бок журналістаў у будынак суда не прывезлі. Урэшце ўсе чацвёра журналістаў — Андрэй Ярашэвіч, Аляксандр Васюковіч, Кацярына Андрэева ​​і Максім Гарчанок — былі адпушчаныя на свабоду. Іх адпусцілі з РУУС, бо суд адправіў усе чатыры адміністрацыйныя справы па 23.34 КаАП на дапрацоўку.

Шэраг газет — "Комсомолка", "Народная Воля", "БелГазета", "Свободные новости" — сутыкнуліся з перашкодамі з боку ўладаў у друку на тэрыторыі Беларусі і распаўсюдзе.  ГА "БАЖ" і Прэс-клуб Беларусь сабралі ў адным месцы  PDF-версіі забароненых нумароў гэтых выданняў. Заклікаем вас дзяліцца гэтым матэрыялам у сацсетках, каб як мага больш людзей маглі прачытаць газеты, якім чыняць перашкоды. Свабода слова — неад'емнае права чалавека!