Навіны

У Мінску судзілі журналістаў, якія былі затрыманыя 27 жніўня падчас масавых мірных пратэстаў. Суды адбыліся над журналістамі: Андрэем Ярашэвічам, Аляксандрам Васюковічам, Кацярынай Андрэевай, Максімам Гарчанком. На іх склалі пратколы за ўдзел у несанкцыянаванай акцыі  (арт. 23.34 КаАП). Працэсы ішлі па відэасувязі, то бок журналістаў у будынак суда не прывезлі. Урэшце ўсе чацвёра журналістаў — Андрэй Ярашэвіч, Аляксандр Васюковіч, Кацярына Андрэева ​​і Максім Гарчанок — былі адпушчаныя на свабоду. Іх адпусцілі з РУУС, бо суд адправіў усе чатыры адміністрацыйныя справы па 23.34 КаАП на дапрацоўку.

ОО "Белорусская ассоциация журналистов" требует от председателя Следственного комитета Республики Беларусь возбудить уголовное дело по факту событий 27 августа 2020 года, когда в отношении десятков журналистов было совершено преступление, предусмотренное ст. 198 УК Республики Беларусь ("Воспрепятствование законной профессиональной деятельности журналиста").

У Следчым камітэце па Гродзенскай вобласці 26 жніўня адбыўся допыт гродзенскага журналіста-фрылансера Аляксея Кайрыса, які супрацоўнічае з тэлеканалам “Белсат”. За дзень да гэтага журналіста па тэлефоне выклікалі ў пракуратуру з нагоды масавых акцый пратэсту ў Гродне, удакладнялі абставіны знаходжання журналіста на гэтых мерапрыемствах. Журналіст патлумачыў, што выконваў выключна свае прафесійныя журналісцкія абавязкі, прадстаўнік пракуратуры паабяцаў, што больш турбаваць яго не будуць.

Шэраг газет — "Комсомолка", "Народная Воля", "БелГазета", "Свободные новости" — сутыкнуліся з перашкодамі з боку ўладаў у друку на тэрыторыі Беларусі і распаўсюдзе.  ГА "БАЖ" і Прэс-клуб Беларусь сабралі ў адным месцы  PDF-версіі забароненых нумароў гэтых выданняў. Заклікаем вас дзяліцца гэтым матэрыялам у сацсетках, каб як мага больш людзей маглі прачытаць газеты, якім чыняць перашкоды. Свабода слова — неад'емнае права чалавека!

На беларускамоўным радыё «Сталіцы» працавала 18 работнікаў. 12 з іх звольніліся.