Навіны

Экспазіцыя складаецца з 60-ці творчых прац фотамайстра, яна экспануецца ў абласным краязнаўчым музеі. Гэтая фотавыстава — усяго толькі невялічкая частка фатаграфічнага “скарбу” Юрыя Шэпелева: ён штодня выходзіць з фотаапаратам на вуліцы Віцебска, а штовечар прыхільнікі ягонай творчасці чакаюць “фотасправаздач” у сацыяльных сетках. Прычым колькасць тых, хто чакае з’яўлення новых здымкаў віцебскіх краявідаў, з кожным днём усё больш: фатограф мае некалькі адмысловых груп у сацыяльных сетках, удзельнічае ў фотаконкурсах, ягоныя працы выкарыстаныя ў турыстычных каталогах і г. д.

Суд Кастрычніцкага раёна Магілёва 4 сакавіка працягнуў разгляд адміністрацыйнай справы ў дачыненні журналісткі Аліны Скрабуновай. Аліну абвінавачвалі ў незаконным вырабе і распаўсюдзе прадукцыі СМІ — за тое, што  яна разам з аператарам Аляксандрам Сідарэўскім знялі рэпартаж пра юбілей Магілёўскага тралейбуснага парка. Сюжэт быў паказаны ў эфіры тэлеканала “Белсат” 19 студзеня і падаваўся ў пазітыўным ключы.

Журналісты-фрылансеры, сябры ГА “БАЖ” Алесь Ляўчук і Мілана Харытонава, што супрацоўнічаюць з тэлеканалам “Белсат”, рабілі сюжэт пра супрацьстаянне кінааматараў і пракатчыкаў кіно ў Брэсце.

Магілёўскія бажаўцы 29 лютага паўдзельнічалі ў трэнінгу “Стварэнне відэасюжэту”. Журналісты з розных рэгіёнаў Магілёўскай вобласці вучыліся таму, як можна змантаваць і захаваць якасны відэасюжэт на смартфоне.

Такую выснову зрабіла судовы эксперт упраўлення Дзяржаўнага камітэта судовых экспертыз па Брэсцкай вобласці, спецыяліст па лінгвістычнай экспертызе Юлія Папко.