Навіны

На 40 сусветным кангрэсе Міжнароднай федэрацыі за правы чалавека, які праходзіць у гэтыя дні на Тайвані, адбыліся выбары кіраўніцтва гэтай аўтарытэтнай праваабарончай арганізацыі. Прэзідэнтам на наступныя тры гады абраная адвакатка з Ботсваны Эліс Магвэ, якая да гэтага была Генеральным сакратаром FIDH. Таксама былі абраныя 15 віцэ-прэзідэнтаў па рэгіёнах. Пры галасаванні за віцэ-прэзідэнтаў па рэгіёне Еўропы і Цэнтральнай Азіі абраныя тры прадстаўнікі: Артак Кіракасян (Арменія), Талекан Ісмаілава (Кыргыстан) і Валянцін Стэфановіч (Беларусь, Праваабарончы цэнтр "Вясна"). 

"Разбураем гендарныя стэрэатыпы" — сустрэчу на такую тэму арганізавала Маладзечанская філія ГА "Беларуская асацыяцыя журналістаў". Пра жыццёвы выбар і традыцыйныя рэакцыі грамадства разважалі Аксана Кірылюк — адзіная жанчына-каваль у Беларусі з Маладзечна, і Юры Сенкевіч — настаўнік пачатковых класаў з пасёлка Чысць. Сустрэчу мадэравала старшыня філіі  Зоя Хруцкая.

Галоўны рэдактар газеты “Навіны Палесся” Алена Клімушка балатавалася кандыдатам у дэпутаты па Столінскай выбарчай акрузе №16.

Віншуем аднаго з лепшых беларускіх аналітыкаў, сапраўднага майстра журналісцкай справы і сябра нашай арганізацыі Віталя Цыганкова з 50-годдзем!

Блогер з Бярозы Аляксандр Кабанаў, сябра Аб'яднанай грамадзянскай партыі і адзін з актывістаў ініцыятыўнай групы, што выступае супраць будаўніцтва акумулятарнага завода каля Брэста, вылучаўся шляхам збору подпісаў у Брэсцкай-Заходняй выбарчай акрузе № 1.  

На сайце Petitions.by зьявіўся афіцыйны адказ на зварот з просьбай аб дзяржаўным фінансаваньні Telegram-каналу блогера Nexta.