Навіны

Што перашкаджае ведамствам дзяліцца інфармацыяй з журналістамі і чаму дзяржава выстройвае жалезную завесу для камунікацыі з грамадствам і прэсай? І самае галоўнае, як пераламіць сітуацыю?

На беларускім партале Relax.by 12 чэрвеня выйшаў артыкул пра рэстарацыю «Поедем поедим», якая знаходзіцца за 50 мэтраў ад мэмарыялу Курапаты. Многія чытачы і карыстальнікі сацсетак выказалі абурэньне з гэтай нагоды, рэдакцыя адрэагавала на гэта выдаленьнем камэнтароў. А пазней выдаліла і сам тэкст. «Мы меркавалі, што чытачы самастойна прымуць рашэнне, ці варта наведваць ўстанову. Разам з тым мы не можам не заўважыць, што нават у такім фармаце матэрыял закранае пачуцці некаторых нашых чытачоў, якія палічылі недапушчальным адкрыццё ўстановы ў непасрэднай блізкасці ад Курапатаў, месцы масавых расстрэлаў беларусаў у міжваенны перыяд. Relax.by — сайт пра рэстараны, моду, забавы, гарадское жыццё. Значны палітычны і грамадскі рэзананс не з'яўляецца для нас рэдакцыйнай мэтай. Паважаючы пачуцці і пазіцыю нашых чытачоў, мы прынялі рашэнне выдаліць матэрыял з сайта», — паведамляе адміністрацыя сайта.

Начальнікам упраўлення інфармацыі і лічбавай дыпламатыі (прэс-сакратаром) МЗС Беларусі 11 чэрвеня прызначаны Анатоль Глаз, які змяніў на гэтай пасадзе Дзмітрыя Мірончыка, што будзе прадстаўляць інтарэсы Беларусі ў Швецыі. Пра гэта паведамілі БЕЛТА ў прэс-службе беларускага замежнапалітычнага ведамства.