Навіны

Часова выконваючы абавязкі начальніка Магілёўскага міжрайаддзела Следчага камітэта Юрый Раманаў у афіцыйным лісце паведаміў журналісту Уладзіміру Лапцэвічу, што да старэйшага следчага Аляксандра Раманава “прынятыя адпаведныя меры ўздзеяння”. Таксама Раманаў пагадзіўся з тым, што выкладзеныя ў звароце Лапцэвіча факты “часткова знайшлі сваё аб’ектыўнае пацвярджэнне”.

Відэаролік, нібыта прысвечаны “выкрыццю фінансавання” тэлеканала “Белсат”, а насамрэч поўны асабістых зняваг, з’явіўся ў сеціве 28 траўня. У той самы дзень сябра ГА “БАЖ” Уладзімір Лунёў, імя якога было згадана ў абразлівым кантэксце, звярнуўся ў міліцыю. І днямі атрымаў адказ, што справа па ягонай заяве ўжо закрытая.  

На беларускім партале Relax.by 12 чэрвеня выйшаў артыкул пра рэстарацыю «Поедем поедим», якая знаходзіцца за 50 мэтраў ад мэмарыялу Курапаты. Многія чытачы і карыстальнікі сацсетак выказалі абурэньне з гэтай нагоды, рэдакцыя адрэагавала на гэта выдаленьнем камэнтароў. А пазней выдаліла і сам тэкст. «Мы меркавалі, што чытачы самастойна прымуць рашэнне, ці варта наведваць ўстанову. Разам з тым мы не можам не заўважыць, што нават у такім фармаце матэрыял закранае пачуцці некаторых нашых чытачоў, якія палічылі недапушчальным адкрыццё ўстановы ў непасрэднай блізкасці ад Курапатаў, месцы масавых расстрэлаў беларусаў у міжваенны перыяд. Relax.by — сайт пра рэстараны, моду, забавы, гарадское жыццё. Значны палітычны і грамадскі рэзананс не з'яўляецца для нас рэдакцыйнай мэтай. Паважаючы пачуцці і пазіцыю нашых чытачоў, мы прынялі рашэнне выдаліць матэрыял з сайта», — паведамляе адміністрацыя сайта.

На беларускім партале Relax.by 12 чэрвеня выйшаў артыкул пра рэстарацыю «Поедем поедим», якая знаходзіцца за 50 мэтраў ад мэмарыялу Курапаты. Многія чытачы і карыстальнікі сацсетак выказалі абурэньне з гэтай нагоды, рэдакцыя адрэагавала на гэта выдаленьнем камэнтароў. А пазней выдаліла і сам тэкст. «Мы меркавалі, што чытачы самастойна прымуць рашэнне, ці варта наведваць ўстанову. Разам з тым мы не можам не заўважыць, што нават у такім фармаце матэрыял закранае пачуцці некаторых нашых чытачоў, якія палічылі недапушчальным адкрыццё ўстановы ў непасрэднай блізкасці ад Курапатаў, месцы масавых расстрэлаў беларусаў у міжваенны перыяд. Relax.by — сайт пра рэстараны, моду, забавы, гарадское жыццё. Значны палітычны і грамадскі рэзананс не з'яўляецца для нас рэдакцыйнай мэтай. Паважаючы пачуцці і пазіцыю нашых чытачоў, мы прынялі рашэнне выдаліць матэрыял з сайта», — паведамляе адміністрацыя сайта.

Начальнікам упраўлення інфармацыі і лічбавай дыпламатыі (прэс-сакратаром) МЗС Беларусі 11 чэрвеня прызначаны Анатоль Глаз, які змяніў на гэтай пасадзе Дзмітрыя Мірончыка, што будзе прадстаўляць інтарэсы Беларусі ў Швецыі. Пра гэта паведамілі БЕЛТА ў прэс-службе беларускага замежнапалітычнага ведамства.

Арганізатары Форума “Мінскі дыялог” патрабуюць ад кіраўніцтва тэлеканала “Белсат” афіцыйных выбачэнняў “за неаб’ектыўнае і несумленнае асвятленне мерапрыемста”. У адваротным выпадку пагражаюць “спыніць любую супрацу з тэлеканалам “Белсат”, а журналісты тэлеканала больш не атрымаюць акрэдытацыю ні на адно наша мерапрыемства”. Пра гэта гаворыцца ў афіцыйным лісце за подпісам кіраўніка экспертнай ініцыятывы “Мінскі дыялог” Яўгена Прэйгермана на імя кіраўніцы “Белсата” Агнешкі Рамашэўская-Гузы.