Навіны

У судзе Савецкага раёна пачаўся разгляд пазову бізнесмена, аднаго з сузаснавальнікаў рэстарана «Поедем поедим» Леаніда Зайдэса да газеты "Новы Час". Асноўнае паседжанне паводле пазова Леаніда Зайдэса да недзяржаўнай газэты «Новы Час» прызначанае на 27 снежня (пачатак у 14.30). Бізнэсмэн патрабуе суд абавязаць газету абвергнуць інфармацыю, апублікаваную ў «Новым Часе», якая нанесла пазоўніку «маральныя пакуты, якія выявіліся ў моцных душэўных перажываннях з нагоды магчымасці падрыву рэпутацыі ў грамадстве і дзелавым асяроддзі, дыскрэдытацыі ў вачах існуючых і патэнцыяльных контрагентаў, кліентаў, партнёраў па бізнесе».

Выданьне «Наша ніва», якое нядаўна адмовілася ад папяровай вэрсіі газэты і пачало выдаваць папяровы часопіс «Наша гісторыя», 17 сьнежня ўвяло плату за прагляд некаторых матэрыялаў.

У Мінску адбыўся сход Рады ГА "Беларуская асацыяцыя журналістаў”. Падчас сустрэчы былі агучаныя лепшыя філіі і суполкі арганізацыі, але цікава, што "народнае" і афіцыйнае галасаванне паказалі розныя ацэнкі дзейнасці. Таксама сябры БАЖ паслухалі справаздачы пра асноўныя кірункі дзейнасці ў 2018 годзе.

У судзе Першамайскага раёна Мінска сёння, 14 снежня, разглядаюцца ажно пяць адміністрацыйных спраў супраць беларускіх незалежных журналістаў. Усіх судзяць па сумна вядомым артыкуле 22.9 (ч.2) КаАП, то бок за незаконны выраб прадукцыі СМІ.

Сябра ГА “БАЖ” Яўген Скрабец спрабаваў аспрэчыць рашэнне Ленінскага райсуда Брэста, які 2 лістапада пакараў яго за супрацоўніцтва з “Радыё Рацыя” штрафам у памеры 25 базавых велічынь (612,5 рубля).

Гомельскія журналісты-фрылансеры Кастусь Жукоўскі і Андрэй Толчын атрымалі па пошце пастановы на штрафы яшчэ з чатырох раённых судоў Гомельскай і Брэсцкай абласцей. У шасці выпадках іх абвінавацілі ў незаконным вырабе прадукцыі СМІ без акрэдытацыі для польскага спадарожнікавага тэлеканала “Белсат” — паводле часткі 2 артыкула 22.9 КаАП.