Навіны

Дырэктар і заснавальнік інфармацыйнай кампаніі БелаПАН Алесь Ліпай адпушчаны пасля допыту ва ўпраўленні дэпартамента фінансавых расследаванняў Камітэта дзяржкантролю па Мінску і Мінскай вобласці. Допыт доўжыўся каля дзвюх з паловай гадзін.

Вярхоўны суд пакінуў у сіле прысуд аўтарам расійскага інфармацыйнага агенцтва Regnum, асуджаным за распальванне нацыянальнай варожасці або розні.

На беларускім партале Relax.by 12 чэрвеня выйшаў артыкул пра рэстарацыю «Поедем поедим», якая знаходзіцца за 50 мэтраў ад мэмарыялу Курапаты. Многія чытачы і карыстальнікі сацсетак выказалі абурэньне з гэтай нагоды, рэдакцыя адрэагавала на гэта выдаленьнем камэнтароў. А пазней выдаліла і сам тэкст. «Мы меркавалі, што чытачы самастойна прымуць рашэнне, ці варта наведваць ўстанову. Разам з тым мы не можам не заўважыць, што нават у такім фармаце матэрыял закранае пачуцці некаторых нашых чытачоў, якія палічылі недапушчальным адкрыццё ўстановы ў непасрэднай блізкасці ад Курапатаў, месцы масавых расстрэлаў беларусаў у міжваенны перыяд. Relax.by — сайт пра рэстараны, моду, забавы, гарадское жыццё. Значны палітычны і грамадскі рэзананс не з'яўляецца для нас рэдакцыйнай мэтай. Паважаючы пачуцці і пазіцыю нашых чытачоў, мы прынялі рашэнне выдаліць матэрыял з сайта», — паведамляе адміністрацыя сайта.