Навіны

Гарадзенскі сябра ГА "БАЖ" прадставіў у арт-галерэі “Крыга” сваю кнігу “Суседскія былі”. Зборнік складаецца з 50 сатырычных аповедаў пра жыццё простага беларуса.

Гомельскі журналіст-фрылансер Кастусь Жукоўскі атрымаў SMS-паведамленне з Мазырскага раённага суду – разгляд   ягонай чарговай адміністрацыйнай справы паводле артыкула 22.9 КаАП прызначаны на 17 сакавіка.  Сёлета гэта ўжо шостая адміністрацыйная справа ў дачыненні да журналіста нібыта за незаконны выраб прадукцыі СМІ для тэлеканалу “Белсат” без акрэдытацыі ў беларускім Міністэрстве замежных спраў.

27-29 лістапада 2015 года ў Мінску праходзіць хакатон (форум распрацоўшчыкаў праграм) Garage48. У яго межах цягам 48 гадзін таленавітыя ІТ-распрацоўшчыкі ды вэб-дызайнеры ператвараюць свае ідэі, над якімі працуюць некалькі гадоў, у праграмы. Лепшай з іх становіцца MSQRD — бясплатны мабільны дадатак ад маладой беларускай кампаніі Masquerade Technologies, які распазнае твар і накладае эфекты кшталту макіяжу, барады ці розных эмоцый. За месяц дадатак набірае першы мільён карыстальнікаў. А 9 сакавіка, калі ў MSQRD ужо 16 мільёнаў юзераў, дадатак набывае кампанія Facebook. Неверагодны поспех для беларусаў.

Стаўрас Ламбрынідзіс прыбыў у Мінск вечарам 8 сакавіка. Паводле інфармацыі прэс-службы беларускага МЗС, візіт спецпрадстаўніка ЕС па правах чалавека "арганізуецца ўпершыню ў мэтах садзейнічання далейшаму развіццю дыялогу па правах чалавека паміж Беларуссю і Еўрасаюзам, які быў адноўлены ў ліпені 2015 года".