Навіны

Аксану Ючкавіч — паэтку, арганізатарку культурніцкіх імпрэз, былую журналістку партала Рымска-каталіцкага касцёла ў Беларусі catholic.by — затрымалі сёлета 23-га студзеня ў Мінску. 

Чарговае папаўненне адбылося ў Рэспубліканскім спісе экстрэмісцкіх матэрыялаў на сайце Мінінфармацыі. Паводле рашэнняў суда Ленінскага раёна Брэста ад 16 лютага, у гэтым пераліку з’явіліся гарадскія інфармацыйныя сайты: baranovichy.by, luninies.bу, паўторна stolin.by. Заўважыў суд і люстэрка рэгіянальнага сайта «Першы Рэгіён».

Прычынай смерці Ігара Ледніка стала спыненне сэрца. Як паведаміла Беларуская сацыял-дэмакратычная партыя, медыкі спрабавалі рэаніміраваць палітвязня, аднак беспаспяхова.

Беларуская прапаганда пачала практыку фэйкавых званкоў. «Белсат» тлумачыць, што адбылося і як засцерагчыся ад падману. 

Галоўнага рэдактара «Рэгіянальнай газеты» Аляксандра Манцэвіча накіравалі ў івацэвіцкую калонію для адбыцця пакарання, паведамляе «Вясна».

Пра затрыманне журналістаў стала вядома з запісаных сілавікамі відэаролікаў.

Напярэдадні «адзінага дня галасавання» ўся ўвага дзяржаўных сродкаў масавай інфармацыі ў Беларусі скіраваная на тое, каб пераканаць грамадзян у неабходнасці наведаць выбарчыя ўчасткі і прыняць удзел у галасаванні. Пры гэтым амаль незаўважна на старонках газет, у эфірах радыё і тэлебачання прысутнічаюць праграмныя выступы галоўных герояў выбарчай кампаніі — кандыдатаў у дэпутаты Палаты прадстаўнікоў і мясцовых саветаў.      Чаму так адбываецца? Гэта паспрабавала патлумачыць чытачам у сваёй аўтарскай калонцы рэдактарка столінскай дзяржаўнай раённай газеты «Навіны Палесся» Алена Клімушка.

Заяву аб прызнанні відэааператара-фрылансера Яўгена Глушкова палітычным вязнем беларуская праваабарончая супольнасць прыняла 15 лютага.