Навіны

Эканамічны суд г. Мінска пастанавіў спагнаць з прыватнай кнігарні “ЛогвінаЎ” штраф у памеры 30 базавых велічыняў і канфіскаваць “незаконна атрыманы прыбытак” – 961 мільён рублёў.

22 снежня ГА “БАЖ” звярнулася ў Генеральную пракуратуру, Упраўленне МУС па раскрыцці злачынстваў у сферы высокіх тэхналогій і Аператыўна-аналітычны цэнтр пры Прэзідэнце з нагоды блакавання шэрагу інфармацыйных інтэрнэт-рэсурсаў. Журналісцкая арганізацыя патрабуе тэрмінова ліквідаваць парушэнне правоў і законных інтарэсаў грамадзян і арганізацый, пацярпелых ад абмежавання доступу да сайтаў, правесці праверку іх незаконнага блакавання, высветліць асобаў, вінаватых у парушэнні заканадаўства, і прыцягнуць іх да вызначанай законам адказнасці. ГА “БАЖ” звяртае ўвагу, што такім чынам былі парушаныя шэраг артыкулаў Канстытуцыі, Крымінальнага і Адміністрацыйнага кодэксаў РБ.

22 снежня гэтым ведамствам накіравалі афіцыйныя лісты за подпісам старшыні ГА "БАЖ" Жанны Літвіной. Арганізацыя патрабуе разблакаваць сайты, высветліць і пакараць вінаватых у парушэнні шэрагу артыкулаў Канстытуцыі, Крымінальнага і Адміністрацыйнага кодэксаў.

Пачынаючы з 19 снежня некалькі інфармацыйных інтэрнэт-рэсурсаў у Рэспубліцы Беларусь падвергліся блакіроўцы. Большасць з іх застаецца недаступнай на тэрыторыі краіны па сённяшні дзень. У прыватнасці, без тлумачэння прычын быў абмежаваны доступ карыстальнікаў да сайтаў belapan.com і belapan.by, naviny.by, belaruspartisan.org, charter97.org, udf.by, 21.by, gazetaby.com, zautra.by.

16 снежня ў Гродзенскім абласным судзе прайшоў разгляд касацыйных скаргаў грамадскай актывісткі Вольгі Крапоцінай і праваабаронцы і публіцыста Уладзіміра Хільмановіча.

16 снежня ў Гродзенскім абласным судзе прайшоў разгляд касацыйных скаргаў грамадскай актывісткі Вольгі Крапоцінай і праваабаронцы і публіцыста Уладзіміра Хільмановіча.

3-га снежня суддзя Чыгуначнага райсуда Віцебска Алена Цыганкова пакарала трыма суткамі арышту жыхара Віцебска Пятра Бярлінава. Яна прызнала яго вінаватым у парушэнні заканадаўства аб масавых мерапрыемствах, як і іншых удзельнікаў фотасесіі на фоне графіці, намаляванага на сцяне былога раённага Дома культуры на вуліцы Ільінскага ў Віцебску. Гэтыя суткі ён ужо адбыў за кратамі з моманту затрымання да суда.