Незалежных журналістаў з Глыбокага Таццяну Смоткіну і Змітра Лупача выклікалі ў РАУС, даслаўшы позвы па Viber
28 мая 2018
Увечары 24 траўня, каля 20.00, капітан міліцыі Сяргей Цырбан па тэлефоне запрашаў іх явіцца ў міліцыю як асобаў, у дачыненні якіх вядуцца адміністрацыйныя справы. Калі Таццяна Смоткіна сказала, што пойдзе толькі па позве, міліцыянт адказаў, што згодна з іх дакументамі, зараз у міліцыю могуць выклікаць па позве або іншым шляхам, як праз тэлефон, так і праз інтэрнэт. І дадаў, што дашле позву па Viber, бо ведае, што ён у Таццяны ёсць. Такім жа чынам атрымаў позву і Зміцер Лупач.
Журналісты павінны з’явіцца ў Глыбоцкі РАУС у панядзелак 28 траўня. На гэты раз іх збіраюцца прыцягваць да адказнасці за матэрыялы, апублікаваныя на сайце “Радыё Рацыя» і спадарожнікавага тэлеканала «Белсат».
У журналісцкіх матэрыялах распавядалася пра інцыдэнт з удзелам супрацоўнікаў міліцыі, якія збілі васьмідзесяцігадовага пенсіянера і зламалі яму нагу. Усе героі гэтых публікацый нядаўна былі апытаныя правахоўнікамі. Па словах герояў, міліцыянты прымянялі псіхалагічны ціск і запалохвалі іх. Цяпер выклікалі і саміх журналістаў.
Незалежныя журналісты Зміцер Лупач і Таццяна Смоткіна цяпер чакаюць суда ў Докшыцах за матэрыялы пра вываз смецця. А ўжо на чарзе новая справа ў Глыбокім за матэрыялы пра бязмежжа міліцыянтаў.
@bajmedia
У Малдове аштрафавалі тэлеканалы за рэтрансляцыю праграм «Беларусь 24»
31.10.2023
Дзяржаўныя газеты Брэстчыны як па загадзе зладзілі кампанію з нагоды ўстанаўлення прэзідэнцкай пасады. Што атрымалася?
16.07.2024
Нехта дабіваецца выдалення артыкула Еўрарадыё пра экс-кіраўніка Офіса ААН у РБ
09.07.2024
Пуцін і Лукашэнка падпісалі дагавор аб стварэнні аб’яднанага медыяхолдынга Расіі і Беларусі
30.01.2024
