Пад Гомлем незалежных журналістаў абпырскалі хімікатамі
8 жніўня 2017
Ля сьвінакомплексу побач зь вёскай Зялёныя Лукі Гомельскага раёну на журналістаў-фрылансэраў Кастуся Жукоўскага і Андрэя Толчына напаў невядомы ў цывільным з садовым апырсквальнікам за плячыма і абдаў з распыляльніка невядомым аэразолем.
«Мы хацелі праверыць на тутэйшым сьвінакомплексе „Добрая хрюшка“ інфармацыю пра падзёж сьвіней. Нас перастрэў незнаёмец і абпырскаў нейкай вадкасьцю — цяпер мне пячэ ўваччу, цяжка дыхаць. Выклікалі міліцыю й хуткую мэдычную дапамогу. Міліцыя прыехала, ажно пяць чалавек, а хуткай дапамогі няма. Мінула ўжо больш як паўгадзіны», — сказаў праз тэлефон Кастусь.
Пяцёра міліцыянтаў спрабуюць цяпер вывезьці Жукоўскага й Толчына нібыта за «санітарную зону», каб ехаць у РАУС складаць пратакол — ці то на нападніка, ці то саміх журналістаў-фрылансэраў.
У Зялёныя Лукі нарэшце прыехала машына хуткай медычнай дапамогі. Брыгада канстатавала ў Жукоўскага атручваньне невядомым хімічным рэчывам.
“Мяне вязуць у бальніцу хуткай медычнай дапамогі. У мяне кружыцца галава, яшчэ пячэ ў ваччу, падключыўся кашаль, паднялася да 37,4 градуса тэмпература. Нападнік апырскаў мяне нейкай хімічнай вадкасцю з галавы да ног”, — распавёў Кастусь Службе маніторынгу ГА «БАЖ».
Андрэю Толчыну невямомае хімічнае рэчыва патрапіла найбольш на ніжнюю палову тулава. Журналістам давялося пакінуць аўтамабіль каля дарожнага знака “Уезд забаронены”.
Яны ішлі да свінакомплекса пешшу. Лічаць, што нападнік — адзін з работнікаў комплексу “Добрая Хрюшка”.
@bajmedia
ЕСПЧ не дае Андрэю Гнёту абарону ад экстрадыцыі ў Беларусь
20.08.2024
Ігара Карнея этапавалі адбываць прысуд у шклоўскую ПК-17
27.06.2024
Праект «Чаго брэшаш?», які займаецца разборам прыёмаў дзяржпрапаганды, прызнаны «экстрэмісцкім фарміраваннем»
11.04.2024
Лукашук: У Беларусі вайна супраць журналістаў, а не журналісты на вайне, як у Афганістане
18.05.2024
