Падтрымай сваіх! Каманда БАЖ зноў прыме ўдзел у Еўрапейскім журналісцкім футбольным чэмпіянаце ў Друскеніках

Футбольная каманда Беларускай асацыяцыі журналістаў атрымала запрашэнне на юбілейны, 20-ты журналісцкі футбольны турнір у Друскеніках, які сёлета пройдзе ў фармаце еўрапейскага чэмпіянату на палях новага спартовага комплексу Druskininkai.

Каманда БАЖ на турніры ў 2023‑м годзе, фота БАЖ

Турнір у Друскеніках, які ладзяць Літоўская федэрацыя спартыўных журналістаў і Літоўская футбольная федэрацыя, скіраваны на ўзмацнення таварыства журналістаў з роўных краінаў, што асабліва цэніць беларуская каманда.

А ў 2021‑м годзе ўсе каманды-удзельніцы турніру прымалі ўдзел у акцыі салідарнасці з беларускімі журналістамі.

За апошнія дваццаць гадоў удзел у турніры бралі каманды журналістаў з Літвы, Германіі, Шатландыі, Даніі, Венгрыі, Чэхіі, Польшчы, Украіны, Латвіі, Эстоніі, Беларусі, Малдовы, Грузіі, Арменіі, Азербайджана і іншых.

Сёлета ў турніры прымуць удзел 14 каманд, якія будуць гуляць ужо двухтаймавыя матчы, а сам турнір пашыраны да двух дзён: 12 верасня і 13 верасня.

Беларуская асацыяцыя журналістаў запрашае суайчыннікаў і суайчынніц у Літве падтрымаць нас на трыбунах, а таксама далучыцца да добрага настрою і журналісткай салідарнасці.

Спартовы комплекс Druskininkai, Друскенікі, Літва;

Уваход на матчы турніру вольны.

12 верасня з 11:00 да 17:00 — групавы этап;

13 верасня з 11:00 —плэй-офф.

Каманда БАЖ у журналісцкім турніры па футболе ў Друскеніках. 2024 год

Міжнародны турнір па футболе сярод журналістаў у Друскінінкаі, 2023