Рух «За Свабоду» заяўляе пра ціск на незалежныя СМІ
4 сакавіка 2019
Заява Руху «За Свабоду» з нагоды прысуду ў адносінах да галоўнага рэдактара Tut.by Марыны Золатавай.
Сёння суд Заводскага раёна Мінска абвясціў прысуд па «справе БЕЛТА». Суд прызнаў Марыну Золатаву вінаватай ў бяздзейнасці службовай асобы і прысудзіў да штрафу ў памеры трыста базавых велічыняў (7650 рублёў).
Справа складалася з 58 тамоў, але суд паказаў, што яна шытая белымі ніткамі і рассыпалася пад час працэсу. Асабліва непераканаўча выглядала абвінавачванне Золатавай у бяздзеянні службовай асобы, хаця перад усім за адсутнасць абароны інфармацыі адказнасць мусіць несці кіраўніцтва БелТА.
Рух «За Свабоду» лічыць, што адзіным лагічным і законным рашэннем было б апраўдальнае, тым не менш, улады пайшлі на абвастрэнне сітуацыі. Мы лічым падобныя дзеянні спробай ціску на галоўнага рэдактара самага буйнога партала Беларусі Tut.by і незалежныя СМІ.
Рух «За Свабоду» выказвае салідарнасць з Марынай Золатавай, медыямі і занепакоенасць станам свабоды слова ў Беларусі.
@bajmedia
Кіраўніцтва «Белсату» адказала на абвінавачванні ва злоўжыванні
09.07.2024
Вядомага спартыўнага блогера будуць судзіць за «садзейнічанне экстрэміскай дзейнасці»
25.09.2023
Соцсеть X сделает лайки анонимными для защиты авторов твитов от нападок
12.06.2024
Папаўненне «экстрэмісцкага спісу» Мінінфарма: старонкі Асацыяцыі палітвязняў Беларусі, YouTube-канал «Беларусь за МКАДом»
22.07.2024
