Следчы камітэт выклікае на допыты ўсіх супрацоўнікаў «Нашай Нівы»

Нагадаем, 23 верасня дома ў Ягора Марціновіча адбыўся вобшук, яго праводзілі супрацоўнікі ўпраўлення ўласнай бяспекі МУС.

Вобшук праводзіўся ў рамках справы па артыкуле аб паклёпе. Пацярпелым праходзіць намеснік міністра ўнутраных спраў Аляксандр Барсукоў. Пасля завяршэння вобшуку Марціновіча разам з яго адвакатам павезлі на допыт у Следчы камітэт. З кватэры забралі ўсю лічбавую тэхніку, тэлефоны, флэшкі, пашпарты, сім-карты.

***

Дыджэі Кірыл Галанаў і Улад Сакалоўскі 6 жніўня ў Кіеўскім скверы ўключылі песню «Перемен». У той дзень на пляцоўцы, якая была выдзелена для правядзення агітацыйных мітынгаў, праходзіў Дзень адкрытых дзвярэй ўстаноў дадатковай адукацыі.

У той жа вечар маладых людзей затрымалі. 7 жніўня над імі адбыўся суд, які прызначыў ім па 10 сутак адміністрацыйнага арышту за здзяйсненне дробнага хуліганства. Палову гэтага тэрміну Улад Сакалоўскі правёў у карцары. Кірыл Галанаў правёў у адзіночнай камеры тры дні.

Пасля вызвалення Улад Сакалоўскі ў інтэрв’ю «Нашай Ніве» распавядаў, што ў адзін з дзён да яго ў карцэр заходзіў мужчына, сказаў прыкладна наступнае: «Ну што, паслухаў песню, пераменаў захацеў?».

— Атрымаў ад яго два разы на спіну. Сказаў, што гэта толькі пачатак: «Разлічвай, што табе 10 гадоў дадуць». Нібыта яму казалі, быццам мне і Кірылу заплацілі грошы, каб мы ўключылі «Перемен».

21 жніўня з Уладам Сакалоўскага правялі гутарку ў МУС. 22 жніўня дыджэі з’ехалі ў Літву.