Спачуванні сям’і Класкоўскіх з нагоды смерці сына і брата
5 чэрвеня 2025
Беларуская асацыяцыя журналістаў выказвае глыбокія спачуванні нашаму калегу Аляксандру Класкоўскаму, нашай калезе Вользе Класкоўскай і ўсёй сям’і Класкоўскіх з нагоды заўчаснай смерці Аляксандра Класкоўскага-малодшага.
Аляксандр Класкоўскі-малодшы. Фота: са старонкі Вольгі класкоўскай у Facebook
Жахлівая навіна прыйшла ноччу з ЗША. Верагодна, прычынай смерці стаў сардэчны прыступ.
Кіраўніцтва БАЖ выказвае глыбокія спачуванні ўсёй сям’і Класкоўскіх. Аляксандр, Вольга, калегі, мы смуткуем разам з вамі. Няхай усемагутны Бог дасць вам сілаў перажыць гэтую трагедыю.
Мы з вамі.
Аляксандр Класкоўскі — сын вядомых журналістаў Аляксандра і Людмілы Класкоўскіх. З 1999 года ён працаваў у ДАІ. Службу ў міліцыі пакінуў у 2005 годзе ў званні старшага лейтэнанта.
У снежні 2010 года ў міліцэйскай форме прыняў удзел у акцыі пратэсту супраць фальсіфікацыі выбараў. Ён быў затрыманы 21 снежня 2010 года і абвінавачаны ў арганізацыі масавых беспарадкаў і ўдзеле ў іх.
У маі 2011 года Аляксандра Класкоўскага асудзілі на 5 гадоў пазбаўлення волі. Пазней выйшаў на волю ў выніку памілавання ў верасні 2011 года.
@bajmedia
