Стала вядома, колькі разоў і за што Міністэрства інфармацыі сёлета папярэджвала СМІ
21 снежня 2017
Міністэрствам інфармацыі ў 2017 годзе было вынесена 17 пісьмовых папярэджанняў (сямі СМІ і сямі інфармацыйным рэсурсам) (аднаму — двойчы і аднаму — тройчы).
Такія звесткі на запыт прэс-сакратара ГА “БАЖ” Барыса Гарэцкага па стане на 20 снежня прадаставіў першы намеснік міністра інфармацыі Ігар Луцкі. Чыноўнік паведамляе, што найбольшая колькасць парушэнняў у СМІ сёлета — гэта распаўсюд недакладнай інфармацыі.
— Каб пазбегнуць парушэнняў, сродкі масавай інфармацыі павінны распаўсюджваць інфармацыю, якая адпавядае рэчаіснасці. Асноўнымі прынцыпамі дзейнасці СМІ павінна з’яўляцца дакладнасць інфармацыі. Уладальнікі інфармацыйных рэсурсаў (іх складовых частак), размешчаных ў глабальнай камп’ютарнай сетцы Інтэрнэт, абавязаны не дапускаць выкарыстання гэтых інфармацыйных рэсурсаў (іх складовых частак) для распаўсюджвання інфармацыі, змест якой супярэчыць патрабаванням заканадаўства, — гаворыцца ў адказе.
Апроч гэтага, за мінулы перыяд 2017 года Міністэрства інфармацыі прыняла рашэнне аб абмежаванні доступу да 106 інфармацыйных рэсурсаў (іх складовых частак), размешчаных у глабальнай камп’ютарнай сетцы Інтэрнэт.
Таксама ў перыяд з 01.01.2017 года па 01.12.2017 года Рэспубліканская экспертная камісія па ацэнцы інфармацыйнай прадукцыі на прадмет наяўнасці (адсутнасці) ў ёй прыкмет праяваў экстрэмізму 320 разоў прыходзіла да высновы аб наяўнасці ў тых ці іншых матэрыялах прыкметаў праявы экстрэмізму.
@bajmedia
У праваабаронцы Алеся Бяляцкага ў зняволенні пагаршаецца стан здароўя
10.04.2024
Больш за 2300 паштовак са словамі падтрымкі: у Польшчы ладзяць акцыю салідарнасці з Анджэем Пачобутам
03.01.2024
«Когда технология расширяется, она превращается из экстраординарной в обычную». Топ-менеджер Google обратился по случаю 25-летия компании
27.09.2023
Анджэй Пачобут застаецца без неабходных яму лекаў і знаходзіцца ў ізаляцыі
26.10.2023
