Сябра БАЖ Алена Аўтушка пакараная 25 суткамі арышту
18 лістапада 2020
Прэс-служба ГА "Беларуская асацыяцыя журналістаў"
Алену Аўтушку затрымалі 15 лістапада ў Мінску.
Алену затрымалі на Плошчы Перамен. Склалі два пратаколы паводле арт. 23.34 і 23.4 КаАП («удзел у масавых акцыях пратэсту» і «непадпарадкаванне супрацоўніку міліцыі»).
Алена патлумачыла ў судзе Фрунзенскага раёна, што прыйшла памаліцца за забітага Рамана Бандарэнку, сама пайшла ў міліцэскі аўтобус і супраціву не аказвала сілавікам. Тым не менш суддзя Бугук прызнаў яе вінаватай і пакараў арыштам на 25 сутак.
Алена Аўтушка цяпер узначальвае грамадскае аб’яднанне «Правінцыя», якое дапамагае жанчынам.
Падзяліцца навінамі ў сацыяльных сетках
Самыя важныя навіны і матэрыялы ў нашым Тэлеграм-канале — падпісвайцеся!
@bajmedia
@bajmedia
Больш матэрыялаў
