Андрэй Мялешка

Справа з выдварэннем Андрэя Мялешкі з Грузіі стала «толькі пачаткам» гэтага працэсу, цяпер такіх выпадкаў ужо каля дзясятка, паведаміў «Позірку» журналіст, якога ў верасні не ўпусцілі ў краіну пасля вяртання з Польшчы.

Фонд BySol распачаў збор сродкаў для беларускага журналіста Андрэя Мялешкі, якога разам дачкой гвалтоўна вывезлі з Грузіі ў Польшчу. Грошы патрэбныя, каб наладзіць жыццё на новым месцы.

Беларускага журналіста Андрэя Мялешку разам з дачкой 16 верасня не ўпусцілі ў Грузію, дзе яны пражылі тры гады і куды вярнуліся пасля двухтыднёвай вандроўкі па Літве і Польшчы. Амаль суткі іх пратрымалі ў аэрапорце, пасля чаго пасадзілі на самалёт да Варшавы. Гутарым з Андрэем, калі ён едзе цягніком у Беласток, дзе пакуль плануе спыніцца.

Заснавальніка грузіна-армянскага выдання Aliq Media Арсэна Харацьяна 17 верасня не пусцілі ў Грузію. Яго больш за 4 гадзіны пратрымалі ў Тбіліскім міжнародным аэрапорце, а пасля адправілі назад у Еўропу. І такіх выпадкаў у гэтай краіне становіцца ўсё больш.

Журналіст Андрэй Мялешка прыляцеў у Варшаву а 3:30 раніцы 17 верасня. Перад гэтым ён амаль суткі правёў у аэрапорце ў Кутаісі — увесь гэты часа яго разам з 11-гадовай дачкой трымалі ў адмысловым пакоі для тых, каго дэпартуюць.

Кажа: «У вас віза польская?». Адказваю: «Так, у мяне віза польская». Журналіст Андрэй Мялешка расказаў, як іх не ўпусцілі назад у Грузію пасля кароткай паездкі ў Еўропу.

Гэтай ноччу Андрэй разам з дачкой вяртаўся ў Грузію з Польшчы, аднак быў не ўпушчаны ў краіну ў аэрапорце Кутаісі. Пра гэта журналіст паведаміў у сваіх сацыяльных сетках.