s13.ru

Трэція 15 сутак адміністрацыйнага арышту ва ўладальніка гродзенскага інфармацыйнага партала s13.ru Сяргея Чабоцькі скончыліся 7 снежня. Але на волю ён не выйшаў. Пра гэта паведамляе Hrodna.life.

Журналіста Сяргея Чабоцьку трэці раз запар асудзілі да адміністрацыйнага арышту на 15 сутак за распаўсюджванне «экстрэмісцкіх матэрыялаў», — заўважыў Hrod­na.life.

Суд Ленінскага раёна Гродна 6 лістапада разгледзеў адміністрацыйную справу ўладальніка рэгіянальнага навінавага інтэрнэт-партала s13.ru Сяргея Чабоцькі.

У Рэспубліканскі спіс экстрэмісцкіх матэрыялаў 31 кастрычніка ўнеслі чатыры старонкі ў сацыяльных сетках, а таксама лагатыпы гродзенскага сайта s13.ru, прычым ва ўсіх магчымых варыянтах — ад выяваў у інтэрнэце да «значкоў» і «шэўронаў».

Паводле Рэспубліканскага спісу экстрэмісцкіх матэрыялаў, абноўленага раніцай 30 кастрычніка, «экстрэмісцкай інфармацыйнай прадукцыяй» прызнаны гродзенскі сайт s13.ru і Telegram-канал з назвай «s13.ru — Новости Гродно» (ідэнтыфіктар t.me/s13.ru).

Самы папулярны гродзенскі інфармацыйны партал s13 перастаў абнаўляцца з 23 кастрычніка. Пазней стала вядома, што яго прызналі «экстрэмісцкім», а ўласніка і галоўнага рэдактара партала Сяргея Чабоцьку затрымалі. Масавыя адпіскі пачаліся і ў іншых медыя. Гараджане кажуць, што даўно не бачылі ў Гродне такога кіпішу. «Наша Ніва» даведалася болей, што адбываецца.

У чатах гродзенскіх школ і гімназій пагражаюць пастаноўкай на ўлік сямей у сацыяльна небяспечным становішчы, калі бацькоў прыцягнуць за распаўсюд экстрэмісцкіх матэрыялаў. Гэта адбываецца на фоне распаўсюджвання інфармацыі пра прызнанне экстрэмісцкімі матэрыяламі папулярных гарадскіх навінавых сайтаў — s13.ru і autogrodno.by, піша Hrodna.life.