Сядзіба The New York Times у Нью-Ёрку. Фота: AFP
Паводле пазову, мэдыякампанія на працягу апошніх 18 месяцаў неаднаразова патрабавала ад Perplexity спыніць выкарыстаньне яе матэрыялаў, заўважае belmarket.by.
The New York Times сьцьвярджае, што сэрвісы стартапу выкарыстоўваюць інфармацыю газэты, у тым ліку цэлыя артыкулы, для фарміраваньня адказаў карыстальнікам без дазволу і аплаты, што разглядаецца як парушэньне аўтарскіх правоў.
Газэта таксама заяўляе, што ў асобных выпадках Perplexity генэруе недакладныя або выдуманыя зьвесткі і памылкова прыпісвае іх The New York Times, што можа наносіць шкоду рэпутацыі выданьня.
У камэнтары для The Verge прадстаўніца Perplexity Джэсі Дуайер заявіла, што мэдыя «судзяцца з тэхналягічнымі кампаніямі ўжо сто гадоў» — ад эпохі радыё і тэлебачаньня да інтэрнэту і сацсетак. Паводле яе, спробы юрыдычна спыніць тэхналягічныя зьмены раней ня мелі посьпеху.
Напярэдадні стала вядома, што футбаліст Крыштыяну Раналду інвэставаў у Perplexity AI.
