У Германавічах адбыўся “Бульбафэст”
15 жніўня 2017
Трэці па ліку “Бульбафэст” прайшоў у Германавічах, што ў Шаркоўшчынскім раёне. Два гады запар глыбоцкая суполка ГА “БАЖ” падтрымлівала ініцыятыву Ады Райчонак у правядзеннні імпрэзы. У гэтым годзе журналісты зноў наведалі мерапрыемства.
Сёлета на “Бульбяны фэст” з’ехаліся грамадскія актывісты і госці з Шаркоўшчынскага, Глыбоцкага, Браслаўскага раёнаў і з Мінска. Уваходным квітком была страва, прыгатаваная з бульбы.
На фэст збіраюцца ў асноўным людзі неабыякавыя да роднай мовы, беларускай культуры і традыцый. Таму падчас імпрэзы гучалі беларускія вершы і песні, прысутныя танчылі старадаўнія беларускія танцы.
На свяце выступілі бард з Браслаўшчыны Леанід Лаўрыновіч, удзельнікі фальклорнага гурта “Купалінка” з Шаркоўшчынскага раёна, мясцовыя самадзейныя артысты і паэты. Таксама наведвальнікі свята змаглі паўдзельнічаць і ў конкурсе, а прызамі былі кнігі вядомых беларускіх літаратараў, у тым ліку і нобелеўскай лаўрэаткі Святланы Алексіевіч.
Напрыканцы мерапрыемства кожны жадаючы змог пачаставацца дранікамі, якія смажылі для гасцей мясцовыя гаспадыні. “Бульбяны фэст” ужо стаў традыцыйным, таму ў наступным годзе Германавічы зноў збяруць гасцей, аматараў беларускай культуры і страў з бульбы.
@bajmedia
У раскладзе судоў з’явілася імя вядомага мінскага блогера
20.09.2024
Глыбоцкія следчыя праз мясцовую газету паведамілі пра крымінальную справу на журналіста Змітра Лупача
27.05.2024
Дзень народзінаў за кратамі сустракае журналістка Ірына Слаўнікава
12.07.2024
У Хельсінкі ўсталююць паштовыя скрыні для лістоў зняволеным беларускім журналістам
16.07.2024
