У Гродне прадставілі праект «Здані тэатру»
2 кастрычніка 2015
У памяшканні кавярні «Веранда» ў Гродне адбылася прэзентацыя сумеснага праекту трох гродзенцаў пад назвай «Здані тэатру». Фатограф і выкладчык журналістыкі з Гродна Сяргей Марозаў разам з візажыстам Бажэнай Машынай і касцюмерам Антанінай Калагрыў паказалі, якую неабсяжную прастору для творчасці ўяўляе з сябе чалавек.
Сяргей Марозаў сваімі фотаздымкамі ўжо неаднаразова здзіўляў жыхароў Гродна. Ён захапіўся фатаграфіяй на пачатку 2000-х, сур’ёзна заняўся спасціжэннем фотасправы ў 2007 годзе. Менавіта тады трапіў у “Народны фотаклуб Гродна” і зладзіў першую асабістую фотавыставу. Штогод бярэ ўдзел у розных фотаконкурсах і выставах.
З 2012 года ў адно спляліся ўлюбёныя заняткі – фатаграфія і мотажыццё, і ён распачаў рэалізацыю фотапраекта «Байкеры: маскі», які ў той жа год быў прадстаўлены ў Гродне, Брэсце і Лідзе.
У 2013 годзе серыя атрымала працяг у праекце «Ад заходу да світання». У 2015 годзе Сяргей стаў адным з пераможцаў «Прэс-фота Беларусі-2015» у намінацыі “Паўсядзённае жыццё”.
Сама прэзентацыя выглядала як сапраўднае шоў: дыджэі і жывы гук, аукцыён здымкаў і невялікае фаершоў. Грошы з прададзеных фота пайшлі ў дапамогу Гродзенскаму дзіцячаму хоспісу.
@bajmedia
Канал силовиков опубликовал видео с фотографом Алексеем Борисовым, на котором он извиняется за интервью «экстремистскому» медиа
22.02.2024
«Репортеры без границ» запустили пакет спутниковых каналов для вещания независимых СМИ, он будет доступен и в Беларуси
06.03.2024
«Твой ліст як паветра, дыхаў бы, дыхаў». Журналіст з прэзыдэнцкага пулу ў калёніі вучыцца на зваршчыка і піша вершы
13.11.2023
З’явіўся спіс самых папулярных беларускіх ютуб-каналаў. Пра некаторыя вы дакладна не чулі
21.01.2024
