У Гродне выканкам хоча публікаваць інфармацыю ў СМІ. Пад умовы конкурсу трапляе толькі адна газета

Гродзенскі гарвыканкам шукае, у якой бы газеце публікаваць інфармацыю «аб стане спраў» у Гродне. Гэта медыя атрымае дадатковыя 120 000 рублёў з гарадскога бюджэту.

Гродзенскі гарвыканкам. Фота: iStock

Рабіць публікацыі трэба ўвесь год з 23 лютага па 31 снежня.

Медыя павінна выходзіць не менш разы ў тыдзень, яго наклад – не менш за 15 000 асобнікаў. Фармат ліста А3. Павінны быць у тым ліку каляровыя паласы. А таксама — аўтарская падача матэрыялу і якасныя фота. Газета павінна распаўсюджвацца праз пошту і ў крамах.

Мяркуючы па тыражу, падыходзіць пад апісанне толькі “Гродзенская праўда”.

Да публікацыі плануецца інфармацыя:

• аб значных падзеях у сацыяльна-эканамічным, культурны, спартыўным і грамадскым жыцці Гродна,
• аб дзейнасці выканкамаў і адміністрацый, аб’яднанняў і партый,
• новыя законы,
• маладзёжнай палітыцы.

А таксама — афіцыйныя віншаванні, матэрыялы пра ветэранаў працы, перадавікоў вытворчасці, навукоўцаў, грамадскіх дзеячаў і інш.