У спісе вызваленых палітвязняў ёсць блогер Эдуард Пальчыс

Палітзняволены блогер Эдуард Пальчыс быў вызвалены ў ліку 250 вязняў пасля візіту ў Мінск спецпрадстаўніка амерыканскага прэзідэнта Джона Коўла. Яго і яшчэ 14 чалавек адразу з калоніі прывезлі ў Літву.

Блогер Эдуард Пальчыс у першыя хвіліны свайго прыезду ў Вільню пасля вызвалення з‑за кратаў. 19 красавіка 2026 года. Фота: БАЖ

Блогеру Эдуарду Пальчысу ў 2022 годзе прысудзілі 13 гадоў калоніі. 

Пальчыс многім вядомы яшчэ з часоў блогу 1863x.com, які ён вёў пад псеўданімам Джон Сільвер. У сваім акаўнце блогер імкнуўся выкрыць расійскую прапаганду.

Увосень 2020 года Пальчыса арыштавалі. Яму інкрымінавалі чатыры артыкулы Крымінальнага кодэкса: «распальванне варожасці», «арганізацыю масавых беспарадкаў», «грубае парушэнне грамадскага парадку» і «заклікі да санкцый».

У снежні 2021 года суд прызначыў яму 13 год калоніі ўзмоцненага рэжыму. Акрамя таго, блогера абавязалі выплаціць 575 тысяч рублёў на карысць «Мінсктурыста», «Мінсктранса», «Гаррамаўтадара Мінгарвыканкама», «Спецкамунаўтатранса» і «Мінскзелянбуда». Па меркаванні суда блогер нанёс ім маёмасную шкоду сваімі дзеяннямі.

Гайд для журналістаў: як этычна і бяспечна пісаць пра вызваленых палітвязняў