У тэлевыступе майка «За Беларусь без Лукашэнкі» пераўтварылася ў майку «За Беларусь»
17 жніўня 2016
16 жніўня прайшлі трансляцыі выступаў на тэлебачанні кандыдатаў у дэпутаты парламента па некаторых гомельскіх акругах. Сярод іх – выступ актывіста АГП Уладзіміра Няпомняшчых, які балатуецца па Гомельскай-Юбілейнай акрузе №31. На запіс выступу ён прыйшоў у сваёй «кароннай», вядомай гомельцам майцы з надпісам «За Беларусь без Лукашэнкі». Але ў тэлеэфіры была бачная толькі верхняя частка майкі, а ніз – закрыты застаўкай з імем кандыдата. Таму атрымалася, што лозунг на майцы гучыць проста «За Беларусь».
Нагадаем, падчас выбарчай кампаніі 2012 года выступ кандыдата Уладзіміра Няпомняшчых у гэтай жа майцы ўвогуле не далі ў эфір, а падчас запісу патрабавалі пераапрануцца. Пазней, на паўторных выбарах па акрузе, камісія адмовілася прыняць здымак для плаката, бо актывіст зноў-такі быў сфатаграфаваны ў майцы з надпісам «За Беларусь без Лукашэнкі».
Цяпер Уладзімір Няпомняшчых звярнуўся да гледачоў са словамі: «Добры дзень, так званыя выбарцы. Так званыя, бо ў Беларусі няма выбараў». Далей у выступе ён расказаў аб праграме АГП і заклікаў выбарцаў ісці ў назіральнікі і звяртацца для гэтага да яго або ў офіс партыі па адрасе Палеская, 52.
Таксама ў гэты вечар па ТБ выступілі іншыя кандыдаты. Па той жа акрузе разам з Няпомняшчых балатуецца былы начальнік абласнога ўпраўлення КДБ Іван Корж, актывіст Партыі левых «Справядлівы свет» Аляксандр Сухаручанка і кандыдат ад ЛДП Алег Данскіх.
Фота «Радыё Свабода»
@bajmedia
Прапагандыстка Бондарава адкарэктавала свой пост пра медыя Grodno.in. Верагодна, яна прайграла суд гродзенскаму парталу
25.04.2024
Сербія павінна вызваліць Андрэя Гнёта і аказаць яму медыцынскую дапамогу — CPJ
15.05.2024
Кантэнт сайта «Нашы грошы» прызнаны экстрэмісцкай прадукцыяй
19.10.2023
С фотоаппаратом в руках. В Украине погиб фотограф Владимир Миронюк
02.10.2023
