У Віцебску выставілі абвінавачванне за абразу ў сацсетках суддзі
22 верасня 2017
У Віцебску выставілі абвінавачванне за абразу ў сацыяльных сетках суддзі. Здарэнне адбылося ў лістападзе мінулага года. Жыхар абласнога цэнтра змясціў на сайце адной з тэматычных груп, прысвечаных Віцебску, тэкставы каментар, які “па сваім змесце ўтрымлівае лінгвістычныя прыкметы абразы суддзі”, інфармуе афіцыйная прадстаўніца УСК па Віцебскай вобласці Святлана Сахарава.
Фота: Fotolia
Следства прыйшло да высновы, што мужчына зрабіў гэта наўмысна, у сувязі з разглядам “канкрэтнай крымінальнай справы”. Доступ да яго каментара мела неабмежаваная колькасць карыстальнікаў. Да матэрыялаў справы далучылі вынікі лінгвістычнай экспертызы і амбулаторнай судова-псіхіятрычнай экспертызы. Крымінальная справа распачатая па артыкуле “абраза суддзі ў сувязі са здзяйсненнем ім правасуддзя” (арт. 391 КК).
Адзначаецца, што абвінавачаны цалкам прызнаў сваю віну. Мужчына тлумачыць свае дзеянні тым, што суддзя раней двойчы разглядаў адміністрацыйныя справы і выносіў у яго адносінах “суровае пакаранне”. Абвінавачаны знаходзіцца пад падпіскай пра нявыезд. Матэрыялы крымінальнай справы ўжо перададзены пракурору і неўзабаве могуць апынуцца ў судзе.
@bajmedia
Сілавікі затрымалі брата палітоляга Валера Карбалевіча
05.11.2023
Генеральным дырэктарам «Рэпарцёраў без межаў» стаў Цібо Брутэн
11.07.2024
У Пінску будуць судзіць журналіста, які асвятляў пратэсты пасля выбараў у 2020 годзе
19.09.2024
Папаўненне «экстрэмісцкага спісу» Мінінфарма: шэраг украінскіх інтэрнэт-рэсурсаў, акаўнт Франака Вячоркі, «Вечерний Жлобин»
07.08.2024
