Улады вырашылі заблакаваць сайт Hrodna.Life
22 верасня 2021
Рэдакцыя Hrodna.life 22 верасня атрымала пастанову ад Пракуратуры Гродзенскай вобласці. У ёй паведамляецца пра блакаванне сайта Hrodna.life і «аб абмежаванні доступа да яго суполак, уключыўшы ідэнтыфікатар дадзенага інтэрнэт-рэсурса ў спіс абмежаванага доступа».
Пастанова пракуратуры за подпісам выканаўцы абавязкаў пракурора Гродзенскай вобласці Эдуарда Бурака датуецца 16‑м верасня. Прычынамі блакіроўкі сайта ўлады называюць:
— «Асобныя артыкулы, якія суправаждаюцца відэаматэрыяламі, што негатыўна характэрызуюць пасля сканчэння выбарчай кампаніі грамадска-палітычную сітуацыю Беларусі і дыскрэдытуюць дзейнасць дзяржаўных праваахоўных органаў».
— Прыцягненне рэдактараў «Гродна Лайф Медыя» Аляксея Шоты і Ірыны Новік да адміністрацыйнай адказнасці за распаўсюд экстрэмісцкіх матэрыялаў.
«Наш сайт не першы і не апошні рэсурс, заблакаваны ўдадамі за год пасля выбараў. Гэта было не пытаннем парушэнняў ці іх адсутнасці, а толькі пытаннем часу. Спачатку разграмілі вялікія парталы. Зараз чарга дайшла да лакальных медыя. Мы былі гатовыя да такога павароту падзеяў. Ужо прааналізаваны досвед калегаў, прадуманы далейшыя дзеянні. Таму не развітваемся з нашымі чытачамі. Будзем працаваць далей і інфармаваць пра самыя важныя падзеі ў Гродне», — пракаментавала падзею рэдактарка спецпраектаў Hrodna.life Ірына Новік.
@bajmedia
Дырэктара тэлекампаніі «Гродна» звольнілі за п’яную язду — Hrodna.life
24.01.2024
«Рэжым старанна знішчае «чацвёртую ўладу» – бо першыя тры ён ужо падпарадкаваў сабе»: Святлана Ціханоўская – да дня свабоды прэсы
03.05.2024
Папаўненне «экстрэмісцкага спісу» Мінінфарма: шэраг украінскіх інтэрнэт-рэсурсаў, акаўнт Франака Вячоркі, «Вечерний Жлобин»
07.08.2024
Беларускае выданне «Віцьбічы» заключыла пагадненне аб супрацоўніцтве з РІА «Воронеж»
17.07.2024
