Буйныя выданні пачалі блакаваць Internet Archive з‑за рызыкі плагіяту з боку АІ

Сярод іх — The Guardian і The New York Times.

Фота: Shut­ter­stock

Некалькі буйных выданняў пачалі абмяжоўваць доступ Inter­net Archive да свайго кантэнту праз асцярогі, што боты кампаній, якія займаюцца распрацоўкай штучнага інтэлекту, могуць выкарыстоўваць вэб-сэрвіс для крадзяжу іх артыкулаў. Пра гэта піша Engad­get.

Адно з такіх медыя — The Guardian. Кіраўнік аддзела бізнес-сувязяў і ліцэнзавання выдання Роберт Ган расказаў, што шмат кампаній у сферы ШІ шукаюць лёгкадаступныя і структураваныя базы даных, а прыкладны праграмны інтэрфейс Inter­net Archive дае ўсё неабходнае для «спампоўкі інтэлектуальнай уласнасці».

Аналагічны крок зрабіла The New York Times. Прадстаўнікі газеты кажуць, што лічбавы архіў Way­back Machine, які дазваляе праглядаць захаваныя копіі вэб-старонак, без дазволу дае неабмежаваны доступ да матэрыялаў NYT, у прыватнасці ШІ-кампаніям.

Доступ да свайго кантэнту таксама абмежавалі выданні Finan­cial Times і сацыяльная платформа Red­dit.

Как использовать веб-архив для сбора информации

Раней журналіст The New York Times падаў у суд на xAI, Anthrop­ic, Google, Ope­nAI і іншых тэхнагігантаў праз самавольнае выкарыстанне імі кніг, абароненых аўтарскім правам, для навучання сваіх ШІ-мадэляў.

Нагадаем, у кастрычніку 2025 года Inter­net Archive адзначыў захаванне аднаго трыльёна вэб-старонак, даступных праз сэрвіс Way­back Machine. Гэта найбольшы аб’ём архіваваных матэрыялаў у гісторыі інтэрнэту.