Вынесены прысуд гомельскім «вясноўцам» Леаніду Судаленку і Таццяне Ласіцы: 3 і 2,5 года калоніі
3 лістапада 2021
Праваабаронцаў абвінавацілі ў арганізацыі і падрыхтоўцы дзеянняў, што груба парушаюць грамадскі парадак (ч. 1 арт. 342 КК), навучанні і падрыхтоўцы асоб для ўдзелу ў такіх дзеяннях, а таксама іх фінансаванні або іншым матэрыяльным забеспячэнні (ч. 2 арт. 342 КК).
Леанід Судаленка і Таццяна Ласіца былі затрыманыя 18 і 21 студзеня. Прычым Таццяну затрымалі ў мінскім аэрапорце. Суд над імі пачаўся 3 верасня.
Пракурор запытаў для Судаленкі і Ласіцы па тры гады пазбаўлення волі.
Па справе праходзіла таксама валанцёрка Марыя Тарасенка, але перад абвяшчэннем прысуду жанчына з’ехала з Беларусі — ёй пагражала 2,5 года калоніі.
Падзяліцца навінамі ў сацыяльных сетках
Самыя важныя навіны і матэрыялы ў нашым Тэлеграм-канале — падпісвайцеся!
@bajmedia
@bajmedia
