«Закон і фрыланс»

Яе правёў атэставаны юрыст, магістр права Аляксандр Жук. 

Дакладчык распавёў пра гісторыю ўзнікнення фрылансу ў Беларусі, адметнасці гэтай з’явы ў сучасным грамадстве, яе ролю ў розных галінах прафесійнай дзейнасці.

Аляксандр Жук прааналізаваў прававое становішча беларускіх журналістаў-фрылансераў, іх магчымасці выконваць прафесійныя абавязкі, выпадкі прыцягнення іх да адміністрацыйнай адказнасці, а таксама суадносіны нацыянальнага заканадаўства і прынцыпаў свабоды выказвання меркаваня, пошуку, атрымання і распаўсюду інфармацыі.

Другая частка сустрэчы была прысвечана адказам на пытанні сябраў барысаўскай суполкі ГА «БАЖ».

Іх цікавілі практычныя аспекты дзейнасці фрылансераў, магчымасці атрымання прававой дапамогі ў выпадку пераследу з боку дзяржаўных органаў, выкарыстанне норм нацыянальнага заканадаўства і міжнароднага права ў галіне фрылансу.

Сустрэча скончылася на пазітыўнай ноце, з пажаданнямі працягваць карысныя сустрэчы з юрыстамі-адмыслоўцамі.