Журналіста Хільмановіча аштрафавалі за ўдзел у акцыі памяці паўстанцаў 1863 года
3 снежня 2018
3 снежня ў судзе Свіслацкага раёна Гродзенскай вобласці адбыўся разгляд адміністрацыйнай справы гродзенскага грамадскага актывіста і журналіста, аўтара перадач на “Радыё Рацыя”, сябра ГА “БАЖ” Уладзіміра Хільмановіча. Суддзя Жанна Салагубік пакарала яго штрафам у памеры 15 базавых велічыняў за нібыта арганізацыю і правядзенне несанкцыянаванага масавага мерапрыемства (ч. 1 арт. 23.34 КаАП РБ).
Уладзімір Хільмановіч 27 кастрычніка ўдзельнічаў у штогадовым ушанаванні памяці паўстанцаў 1863 года ў г. Свіслач і ў вёсцы Якушоўка – мясцінах, непасрэдна звязаных з Кастусём і Віктарам Каліноўскімі.
“Гэтая справа поўны абсурд, бо я не арганізоўваў і не ўдзельнічаў у несанкцыянаваным масавым мерапрыемстве, але ўшаноўваў памяць продкаў. Гэта права гарантаванае нам Канстытуцыяй”, — зазначыў у каментары карэспандэнту Cлужбы маніторынгу ГА “БАЖ” Уладзімір Хільмановіч.
З судовым рашэннем Уладзімір Хільмановіч не згодны і збіраецца абскарджваць яго ў Гродзенскім абласным судзе. У выпадку адмоўнага рашэння не выключае магчымасці звароту ў Камітэт па правах чалавека ААН.
Раней у судзе Свіслацкага раёна адбыліся аналагічныя судовыя працэсы над іншымі ўдзельнікамі сёлетняга Дня памяці. Усе яны скончыліся адміністрацыйнымі штрафамі. 23 лістапада суддзя Свіслацкага райсуда Аляксандр Шылін за нібыта ўдзел у несанкцыянаваным масавым мерапрыемстве аштрафаваў на 15 базавых велічыняў журналіста і праваабаронцу Віктара Сазонава, які рабіў прававы маніторынг Дня памяці.
@bajmedia
«Народная эвакуацыя». Першай з Ізраілю вывезуць блогерку-уцякачку Аляксандру Ханевіч
12.10.2023
Пасля пераходу «Прэсбола» у рукі АБФФ супрацоўнікі скардзяцца, што не атрымліваюць заробак
19.10.2023
«Вясна» атрымала прэмію ААН ў галіне правоў чалавека за 2023 год
22.12.2023
YouTube-каналы беларускіх дзяржСМІ заблакавлі ў Літве
18.09.2024
