Звольнены галоўны рэдактар «Звязды» Павел Сухарукаў. Газету ўзначаліў Алесь Карлюкевіч
20 жніўня 2020
Павел Сухарукаў, галоўны рэдактар газеты «Звязда» і Выдавецкага дома «Звязда», звольнены са сваёй пасады. На яго месца прызначаны Алесь Карлюкевіч, экс-міністр інфармацыі. Пра гэта TUT.BY паведамілі журналісты выдання.
Нагадаем, што ў панядзелак, 17 жніўня, калектыў дзяржаўнай газеты «Звязда» прапанаваў кіраўніцтву сумленна асвятляць падзеі, якія адбываюцца ў краіне пасля выбараў. У адказ у рэдакцыю прыехаў спачатку міністр інфармацыі Ігар Луцкі, пасля прадстаўніца Адміністрацыі прэзідэнта. Пазней было заяўлена, што Паўла Сухарукава будуць звальняць.
«Звяздоўцы» вырашылі бараніць свайго рэдактара і сабраліся на сход. Падчас сходу пазваніў сам Павел Сухарукаў і паведаміў, што яго ўсё ж не звальняюць. Рашэнне было скасаванае.
Сёння ж стала вядома, што Сухарукаў звольнены.
@bajmedia
Крымінальную справу супраць кіраўніка «Маланка Медыя» Паўла Марыніча перадалі ў суд
22.02.2024
У глыбоцкай кватэры журналіста Змітра Лупача сілавікі правялі ператрус
06.12.2023
Plan B. заблакавалі ў Расіі
14.02.2024
Святлана Ціханоўская ўзнагародзіла «Белсат» Знакам гонару дэмакратычных сілаў
08.01.2024
