Кіраўнік ААЦ Паўлючэнка: Заблакаваць цалкам сайт немагчыма, можна толькі абмежаваць доступ

ААЦ — гэта адна з самых закрытых спецслужб краіны. Чым жа яна займаецца? Па словах журналіста Юрыя Гроерава, гэта «дзяржаўны орган, які рэгулюе дзейнасць па бяспецы інфармацыі, якая ўтрымлівае дзяржаўныя сакрэты Рэспублікі Беларусь і іншыя звесткі, якія ахоўваюцца заканадаўствам».

Сам Андрэй Паўлючэнка так ахарактарызаваў паўнамоцтвы структуры: «Забеспячэнне інфармацыйнай бяспекі дзяржаўных органаў і іншых крытычна важных аб’ектаў. Таксама з другімі сілавымі органамі, ААЦ з’яўляецца інструментам па процідзеянню барацьбы з карупцыяй і другімі злачынствамі дзяржаўных служачых».

Адным з экспертаў у фільме «Логін: ААЦ» быў памочнік прэзідэнта па пытаннях бяспекі Віктар Лукашэнка. Ён лічыць, што «ААЦ — адна з сур’ёзнейшых і важнейшых спецслужб у нашай дзяржаве Паўнамоцтвы высокія, сур’ёзныя. І адказваць вельмі высокая»

«Усё павінна будувацца на чэснасці і прыстойнасці супрацоўнікаў і даказанасці па тых момантаў, па якіх ААЦ працуе. Праўдзівасць, даставернасць, аб’ектыўнасць інфармацыі — па гэтых накірунках цэнтр павінен развівацца», — сказаў Віктар Лукашэнка.

Існуе меркаванне, што менавіта ААЦ займацца блакаваннем сайтаў. У Паўлючэнкі спыталі, ці так гэта? «Няпраўда, ААЦ не мае функцыянальных паўнамоцтваў для блакіроўкі сайтаў. І ўвогуле гэты тэрмін, мабыць, у сучасным свеце неактуальны. Заблакаваць цалкам немагчыма нічога, можна толькі абмежаваць доступ. ААЦ разам з Міністэрствам сувязі выпрацаванае тэхнічнае рашэнне, як абмежаваць доступ да такіх сайтаў. Але самі сайты мы не вызначаем».

У самім фільме шмат казалі, што камфортны і хуткі інтэрнэт у нашай краіне стаў магчымым дзякуючы ініцыятывам ААЦ. А на небяспекі ведамства рэагуе «непублічна, каб у нас не было лішняга поваду для трывогі».