Створаны бот, які дапамагае беларусам разабрацца з пытаннямі па легалізацыі ва Украіне

Як беларусу атрымаць від на жыхарства ва Украіне падчас вайны? Як і куды падаваць дакументы і што рабіць, калі міграцыйная служба адмаўляецца іх прымаць?

Адказы на гэтыя ды іншыя пытанні пра легалізацыю беларусаў ва Украіне сабраны ў бясплатным Telegram-боце @ConsultantBel_Bot. 

— Я жыву ва Украіне два гады. Гэтым летам падаўжэнне віду на жыхарства стала для мяне надзвычай складанай задачай: даводзілася збіраць інфармацыю па крупінках. Так у мяне ўзнікла ідэя стварыць чат-бот, які б сабраў усе асноўныя інструкцыі па легалізацыі беларусаў ва Украіне і палегчыў жыццё тым, хто зараз сутыкаецца з тымі ж цяжкасцямі, праз якія прайшла і я, —  кажа адна з удзельнікаў каманды, якая стварыла чат-бот. — Мы плануем развіваць бот і з часам дадаць у яго іншыя раздзелы: разблакіроўка карты, замена пашпарта, грамадзянства. 

Бот раскажа, як і на якой падставе беларус можа атрымаць від на жыхарства, як атрымаць статус уцекача і як аспрэчыць адмову ў гэтых дакументах. Калі інфармацыі сабранай у боце будзе недастаткова, ён дапаможа атрымаць кансультацыю ў праваабарончай арганізацыі, якая працуе з беларусамі.

Знайсці бота можна па спасылцы-запрашэнні https://t.me/ConsultantBel_Bot

Чытайце яшчэ:

БАЖ праводзіць апытанне аўдыторыі: прайдзіце яго і дапамажыце нам стаць лепш!

Праваабаронцаў «Вясны» асудзілі на вялікія турэмныя тэрміны. БАЖ пратэстуе супраць судовай расправы

За паўтара месяца за кратамі ад журналіста Паўла Падабеда на волю “прарваліся” ўсяго два лісты