Цімох Акудовіч запусціў свой падкаст. Першы выпуск — пра часы ледніковага перыяду

 «Даўно хацеў, доўга адкладаў, але вось, нарэшце, сабраўся».

Гісторык Цімох Акудовіч абвясціў пра запуск уласнага аўдыёпадкасту «Mag­is­tra Svi­ta налева пашыта».

У падкасце аўтар плануе раскрываць цікавыя, на яго погляд, сюжэты з гісторыі Беларусі.

«Фармат падкаста — максімальна класічны. Як перадача ў радыёкропцы даўней)

Але ў саміх сюжэтах паспрабую парадаваць слухачоў нестандартнасцю: чапляць невідавочныя сюжэты, падыходзіць з нестандартных ракурсаў і падсвечваць тыя навуковыя адкрыцці, якія засталіся, на маю думку, недастаткова прагучалі ў публічнай прасторы».

Цімох Акудовіч адзначае, што падкастынг — цалкам новая для яго справа. Таму першы час тэмп праекта будзе павольны — 2 выданні на месяц.

Выпускі на першым этапе будуць выходзіць на patre­on у бясплантым дасягу. Алё ёсць і платныя тарыфы падкаста, якія прадугледжваюць дадатковыя бонусы для слухачоў, у тым ліку аўдыёматэрыялы.

Першае выданне ўжо апублікаванае. У ім Цімох Акудовіч распавядае, як глабальнае пахаладанне малога ледніковага перыяду паўплывала на гісторыю нашага рэгіёну.

«Тэма шырока вядомая ў вузкіх колах, але на гісторыю Беларусі яе прымяраюць ня так часта. Сабраў асноўнае, што вядома на сённяшні час. Відавочна, ніякіх сенсацый, але для тых, у каго ледніковы перыяд асацыюецца толькі з мамантамі і саблезубымі тыграмі, мусіць быць цікава», — каментуе аўтар.