Беларускія ўлады ціснуць на сем’і журналістаў Deutsche Welle

Пра гэта піша праваабарончы цэнтр «Вясна» са спасылкай на Рускую службу BBC, якой пра ціск распавялі прадстаўнікі DW.

Фота: DW/M.Smajic

Cуд Ленінскага раёна Магілёва прызнаў «экстрэмісцкімі матэрыяламі» cайт з назвай «ВВС NEWS РУССКАЯ СЛУЖБА». Uэта падраздзяленне брытанскай  карпарацыі BBC, якое прадстаўляе навіны на рускай мове, асвятляючы падзеі ў Расіі, Вялікабрытаніі і свеце.

Гэтая рэдакцыя звярнулася ў прэс-службу Deuche Welle з запытам аб зменах, якія адбыліся ў нямецкай рэдакцыі пасля прызнання беларускай службы іх медыякампаніі «экстрэмісцкім фармаваннем». 

«Пасля таго як нас у Беларусі прызналі «экстрэмісцкай арганізацыяй», мы перасталі размаўляць з людзьмі ўнутры краіны — ці то ўдзельнікі падзей ці эксперты — нават на ўмовах ананімнасці, паколькі гэта магло быць для іх занадта небяспечна», — растлумачылі ў DW.

У рэдакцыі адзначылі, што ім невядома пра выпадкі затрымання людзей унутры Беларусі ў сувязі з чытаннем іх кантэнту, пры гэтым дадаўшы, што беларускія ўлады ціснуць на сем’і журналістаў: многіх з іх наведвалі прадстаўнікі розных праваахоўных органаў.

Па дадзеных праваабаронцаў, пад катэгорыю экстрэмісцкіх патрапіла больш за 600 сродкаў масавай інфармацыі.