• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    “Адамі” – журналісцкі конкурс пра людзей

    “Адам быў першым чалавекам на Зямлі, і наш конкурс – пра людзей. Да таго ж, “адамі” па-грузінску – чалавек”.

    Так патлумчыла паходжанне назвы конкурсу “Ada­mi” яго каардынатарка, грузінская журналістка Саламэ Кікалеішвілі. Прэзентацыя “медыяўзнагароды за культурную разнастайнасць ва Усходняй Еўропе” адбылася 21 верасня ў офісе ГА “БАЖ” у Мінску.

    Акрамя Саламэ, удзел у сустрэчы бралі Пасол ФРГ у Беларусі Пэтэр Дэтмар, кіраўнік Аддзела па пытаннях палітыкі, інфармацыі і прэсы Дэлегацыі ЕС у Беларусі Джым Казэнс, намеснік старшыні ГА “БАЖ”, прадстаўнік тэлеканала “Белсат” у Беларусі Міхась Янчук, а таксама вядомая беларуская спявачка Марына Руся-Шукюрава.

    Саламэ нагадала ўмовы конкурсу, пералічаныя ў прэс-рэлізе і на сайце adamimediaprize.eu (па-руску).

    Спаборнічаць у конкурсе могуць журналісты з шасці краін Усходняга партнёрства: Украіны, Малдовы, Арменіі, Азербайджана, Грузіі і Беларусі.

    Удзел друкаваных СМІ не прадугледжаны – гаворка ідзе толькі пра аўдыёвізуальныя журналісцкія творы ў шасці намінацыях: мастацкае кіно, дакументальнае кіно, навіны і кароткаметражныя дакументальныя фільмы, моладзевая творчасць, інтэрнэт-сайты, інтэрнэт-відэа.

    У кожнай намінацыі будзе свой прыз. Акрамя сімвалічнай шкляной статуэткі, у медыяўзнагароды ёсць і грашовы складнік – праўда, назваць яго памер Саламэ Кікалеішвілі на гэты момант не гатовая.

    Галоўнае патрабаванне – каб матэрыялы былі звязаныя з тэмай міграцыі, інтэграцыі і культурнай разнастайнасці.

    Больш падрабязнае апісанне катэгорый і патрабаванняў да матэрыялаў можна знайсці на сайце конкурсу на рускай мове.

    Ніякіх прэферэнцый ці абмежаванняў у звязку з формай уласнасці, фінансавым становішчам розных СМІ і г.д. не прадугледжваецца.   

    Для афармлення заяўкі трэба зарэгістравацца на сайце і, атрымаўшы рэгістрацыйны нумар, спампаваць і запоўніць адмысловую форму, якую арганізатары чакаюць разам з вашым DVD па пошце. «Часам пошта ідзе доўга, таму не адкладвайце на апошнія дні», – папярэджвае Саламэ.

    Заяўкі прымаюць да 25 кастрычніка, паседжанне журы адбудзецца ў Кіеве ў лістападзе, а цырымонія ўзнагароджання пройдзе ў Тбілісі 10 снежня.

    Ідэя заснавання медыяўзнагароды “Аda­mi” належыць некалькім нямецкім недзяржаўным арганізацыям, а фінансава падтрымлівае яе знешнепалітычнае ведамства ФРГ. Ключавымі партнёрамі выступаюць медыяфонд Civis і Еўрапейскі вяшчальны саюз (EBU).

    Пасол ФРГ у Беларусі Пэтэр Дэтмар вылучыў некалькіх асноўных пунктаў, якія характарызуюць конкурс “Аda­mi”: ён з’яўляецца ўнёскам у агульную ініцыятыву Усходняга Партнёства, мае на мэце наладжванне супрацы паміж журналістамі шасці краін і, наогул, скіраваны на больш шчыльныя кантакты не на палітычным, а на чалавечым узроўні. “Пытанні міграцыі, інтэграцыя, культурная разнастайнасць – гэта тое, што можна паказаць шырокай публіцы і што можа спрыяць узаемаразуменню паміж людзьмі”, – адзначыў сп. Дэтмар.  

    Джым Казэнс, які толькі нядаўна пачаў працаваў у Дэлегацыі ЕС у Беларусі, адзначыў, што ведае пра складаныя ўмовы працы журналістаў у нашай краіне. “І гэты праект таксама важны для таго, каб вам выйсці ў грамадскую прастору, у прастору Еўропы”, – перакананы кіраўнік Аддзела па пытаннях палітыкі, інфармацыі і прэсы.

    “Цяжка ўявіць больш своечасовую ініцыятыву, – заўважыў намеснік старшыні ГА “БАЖ” Міхась Янчук. –  Цяпер мы сутыкаемся з найбольш сур’ёзным выпрабаваннем еўрапейскіх каштоўнасцяў з часоў распаду СССР. Бо каштоўнасці, не спраўджаныя жыццём – гэта толькі шаблоны… Краіны Усходняга Партнёрства вельмі па-рознаму скарысталіся магчымасцямі гэтага механізму. На сённяшні дзень можна сказаць, што яно эфектыўнае на 50 адсоткаў: тры краіны актывізаваліся і ідуць “за цывілізаваным светам”. І я вельмі спадзяюся, што такія праекты, як “Ada­mi”, дапамогуць актывізавацца і прачнуцца і тром астатнім краінам”.

    Руся распавяла пар праект Shu­ma і падзялілася ўласным досведам інтэгравання беларускай культуры ў еўрапейскую, а таксама папулярызацыі яе сярод тутэйшага маладога пакалення

    Арганізатары «Ada­mi» гатовыя адказаць на дадатковыя пытанні датычна конкурсу:

    +995 32 222 57 59, e‑mail: competition@adamimediaprize.eu

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    12.02.2024
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Акцэнты

    Теперь консул может только изъять паспорт. Что означает новый указ для белорусов, уехавших из страны?

    Очередное решение властей, которое поражает в правах белорусов.  Лукашенко подписал указ, которым изменил порядок выдачи документов в посольствах и консульствах за границей. Теперь там нельзя продлить или получить паспорт. Как же быть? Комментирует юридическая служба БАЖ.
    05.09.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці