Акцэнты

Гэта другая частка эпахальнага гіда па беларускіх медыях, які падкажа, дзе шукаць інфармацыю на ўсе выпадкі жыцця. Галоўнае, каб яна была пра беларусаў, беларусак і Беларусь. Сёння раім, якія папяровыя ці віртуальныя старонкі пагартаць, каб заставацца ў курсе падзеяў.

З тым, што адбываецца ў Беларусі, шмат якія праблемы падаюцца нязначнымі. Але насамрэч яны не перастаюць быць праблемамі. Напярэдадні Міжнароднага дня барацьбы за ліквідацыю гвалту ў адносінах да жанчын, які адзначаецца 25 лістапада, мы паразмаўлялі з фем-актывісткай Настай Базар. Пра тое, як гвалт спараджае гвалт, як сітуацыя ў краіне паўплывала на становішча з абаронай ахвяраў хатняга гвалту, і пра тое, што «маленькага» гвалту не бывае.  І, канешне ж, пра тое, што і як можна зрабіць у сённяшняй сітуацыі. Сама Наста называе сябе «нізавой актывісткай». Але да 2020-га яна сябе такой не лічыла.

25 лістапада спаўняецца роўна год, як быў затрыманы журналіст «Свабоды» Андрэй Кузьнечык. У чэрвені 2022 году Магілёўскі абласны суд прызнаў яго стваральнікам «экстрэмісцкага фармаваньня» і прысудзіў 6 гадоў турмы.

Толькі нядаўна грамадству стала вядома пра маштаб доступу агента ГУБАЗіК да «Чорнай кнігі Беларусі». Яго зрабілі там «шэфам па бяспецы», і ён меў поўны доступ да бота і ўсёй сеткі каналаў ЧКБ. Цалкам імаверна, што ў яго ёсць поўная база даных усіх, хто туды пісаў за гэты час, і падпісантаў гэтых груп. Тлумачым, як працуюць тэлеграм-боты, якія даныя могуць быць у сілавікоў і як абараніць сябе ад затрымання, калі вы пішаце ў тэлеграм-бот, асабліва з Беларусі.

Шоу Салаўёва і Скабеевай у Расіі імкліва губляюць папулярнасць, але беларускія прапагандысты Гігін, Дзермант і Шпакоўскі пастаянна з'яўляюцца ў эфірах, дзе называюць расійскую армію «нашай», а таксама кажуць, што Польшча рыхтуе вайну ў Беларусі, піша «Радыё Свабода».