Акцэнты

Незалежныя медыя ўнутры Беларусі практычна спынілі сваё існаванне, а рэдакцыі цяпер працуюць з-за мяжы. Пасля пачатку масавых рэпрэсій ў 2020 годзе на грамадзян аказваецца беспрэцэдэнтны ціск. Таксама пад ударам апынуліся недзяржаўныя СМІ: іх пазбаўляюць рэгістрацый, журналістаў затрымліваюць і асуджаюць на вялікія тэрміны за сваю працу. Галоўнае медыя краіны TUT.BY было знішчана, а яго кіраўнічкі, галоўная рэдактарка Марына Золатава і гендырэктарка Людміла Чэкіна, знаходзяцца ў няволі. У жаданні яшчэ больш кантраляваць распаўсюд інфармацыі, улады вынайшлі новы спосаб: непажаданыя СМІ прызнаюць «ээкстрэмісцкімі фармаваннямі», а за інтэрв’ю або перадачу ім інфармацыі асуджаюць на вялікія тэрміны зняволення. ПЦ «Вясна» расказвае, за якія віды ўзаемадзеяння з незалежнымі СМІ беларусаў прыцягваюць да крымінальнай адказнасці. А таксама распавядае, каго за гэта ўжо асудзілі.

28 жніўня 40-годдзе адзначае былы палітычны аглядальнік і кіраўнік прэзідэнцкага пула на АНТ Дзмітрый Семчанка. Некалі аблашчаны ўладамі журналіст сустракае юбілей у івацэвічскай калоніі №22, куды яго накіравалі адбываць тэрмін — 3 гады зняволення.  У Дзень народзінаў Дзмітрыя яго сябры Наталля і Міхаіл Максімавы, якія разам з ім працавалі на тэлебачанні, і іншыя былыя калегі ўзгадваюць невядомыя факты з жыцця Семчанкі. Яны хочуць падтрымаць імянінніка, бо ведаюць, як яму зараз цяжка.

Шуфлядка, а што гэта? Чым твар адрозніваецца ад пыскі, і ці чулі вы пра такі цуд як «шмаравідла»? А якія выразы зразумее толькі і выключна беларус? Усё гэта ведае блогер і журналіст Васіль Ядчанка. Праект «Мова Гомель» пагутарыў са спадаром Васілём пра тое, як у сацсетках вывесці беларускую мову ў трэнды.