Акцэнты

Палітзняволены журналіст Яўген Меркіс адзначыць дзень нараджэння ў шклоўскай калоніі. 8 лістапада вядомаму гомельскаму краязнаўцу, журналісту і гісторыку Яўгену Меркісу споўніцца 37 год. Гэта другі дзень народзінаў, які ён сустракае за кратамі, піша «Штодзень».

ChatGPT лідзіруе сярод іншых праграм на базе ШІ па колькасці спамповак на мабільных прыладах. Аднак, на здзіўленне, гэта не найлепшая ШІ-праграма ў плане даходнасці — некалькі іншых праграм і нават некаторыя чат-боты насамрэч зарабляюць больш, чым найпапулярнейшы ChatGPT, які стаў ці не агульнай назвай для ўсіх чат-ботаў са штучным інтэлектам, піша «Наша Ніва».

Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.

Аляксандра Лукашэнку недзяржаўныя медыя не называюць прэзідэнтам. Часцей абмяжоўваюцца адным прозвішчам — нават без імя. Хтосьці захоўвае інфарматыўны тон для такіх паведамлянняў, а хтосьці дазваляе жартаваць з яго або абвінавачваць у хлусні. Пасля дыскусіі калег на мінулым тыдні, журналіст сайта БАЖ прааналізаваў, у якіх сітуацыях шэраг беларускіх медыя згадвае яго прозвішча: «Зеркало», «Наша Ніва», «Белсат», «Радыё Свабода», «Еўрарадыё». А таксама паразмаўляў з медыяэкспертам пра тое, чаму наогул узнікае пытанне, як яго называць у інфапрасторы.   

29 кастрычніка, у 86-ю гадавіну расстрэлу ў Мінску 132 прадстаўнікоў беларускай інтэлігенцыі, сярод якіх былі дзясяткі паэтаў і пісьменнікаў, у многіх краінах, дзе ёсць беларускія дыяспары, прайшлі традыцыйныя мерапрыемствы пад агульнай назвай «Ноч расстраляных паэтаў». Калегі з «Нашай Нівы» сабралі фота– і відэаматэрыялы толькі пра некаторыя з іх.

Беларускі рэжысёр Андрэй Саўчанка ўжо ў другі раз звяртаецца ў сваёй тэатральнай практыцы да тэмы расстраляных паэтаў — першая спроба адбылася ў 2022 годзе ў супрацоўніцтве с Незалежнымі Купалаўцамі пад назвай «37–22», што адсылае да відавочнай паралелі паміж падзеямі двух стагоддзяў. На тэатральным фестывалі «Kierunek Wschód» у Беластоку адбылася прэм’ера спектакля «Святло ў цемры». Як узнікла ідэя гэтага спектакля? Па якім прынцыпе абіралі тэксты? У чым была рызыка ў працы? Якія недапрацоўкі ёсць у спектаклі? І чаму ўрэшце зноў гэтая тэма? Budzma паразмаўляла пра гэта з рэжысёрам Андрэем Саўчанкам.