Акцэнты

Дэбютны раман «Свінні» журналіста Аляксандра Чарнухі быў напісаны на расійскай мове, але сёлета выйшаў па-беларуску — у перакладзе пісьменніка Алеся Плоткі. З прэзентацыяй беларускамоўнага выдання Аляксандр выправіўся ў турнэ па Еўропе. Першай кропкай стала Познань — далей будуць Літва, Латвія, Грузія, Нямеччына, Бельгія, Данія, Нідэрланды. Сустрэліся з Аляксандрам Чарнухам у Познані ды паразмаўлялі пра складнасці перакладу на беларускую, а таксама пра тое, ці мог бы быць у кнізе хэпі-энд і як змагацца з «рускім мірам» у галовах ва ўмовах беларусіх рэалій.

25 жніўня спаўняецца 70 гадоў Уладзімеру Арлову — пісьменьніку, паэту, гісторыку, чые творы вось ужо некалькі дзесяцігодзьдзяў зьяўляюцца неад’емнай часткай беларускай літаратуры. Пра юбіляра гавораць калегі-літаратары, сябры і паплечнікі. Беларуская асацыяцыя журналістаў далучаецца да шчырых віншаванняў юбіляра!

Шуфлядка, а што гэта? Чым твар адрозніваецца ад пыскі, і ці чулі вы пра такі цуд як «шмаравідла»? А якія выразы зразумее толькі і выключна беларус? Усё гэта ведае блогер і журналіст Васіль Ядчанка. Праект «Мова Гомель» пагутарыў са спадаром Васілём пра тое, як у сацсетках вывесці беларускую мову ў трэнды.

На мінулых выходных у Варшаве адбыўся нефармальны з’езд беларускіх кінематаграфістаў. На яго з’ехалася некалькі дзясяткаў культурных дзеячаў, якія цяпер жывуць у розных краінах. У межах падзеі адбылася творчая сустрэча з Кшыштафам Занусі — класікам сусветнага кінематографа, які паўплываў на фармаванне так званага «кіно маральнага неспакою» і на польскую культуру ў цэлым. «Еўрарадыё» прапануе найбольш цікавыя вытрымкі з яго выступу.