250-годдзе Акту аб свабодзе друку

Прэс-клуб, Амбасада Швецыі ў Беларусі і Амбасада Фінляндыі ў Літве запрашаюць медыя-прафесіяналаў на ўрачысты вечар, прысвечаны 250-годдзю ўхвалення шведскага Акту аб свабодзе друку — першага у свеце дзяржаўнага закону гэткага кшталту.

Андрэй Бастунец: #250Words Вольнае слова ў несвабоднай краіне

Амбасадары Швецыі і Фінляндыі распавядуць пра гісторыю свабоды друку і яе ўплыў на развіццё палітыкума і грамадства. Адмысловы госць, фінскі журналіст, сканцэнтруецца на механізмах самарэгуляцыі СМІ, якія ўзніклі дзякуючы Акту.

Ганаровыя госці адкрыюць выставу аб станаўленні шведскай і фінскай прэсы. Тых, хто завітае на вечарыну, чакаюць дыскусія на прафесійныя тэмы, кулуарныя размовы з калегамі і пачастунак.

Падзея адбудзецца ў панядзелак, 12 снежня, у Прэс-клубе па адрасе: Мінск, вуліца Веры Харужай, 3–601. Пачатак а 18:00.

Удзел бясплатны пры наяўнасці персанальнага запрашэння. Калі вы жадайце наведаць імпрэзу, калі ласка, пакіньце сваю заяўку.