Канцэрт памяці паэтаў Рыгора Барадуліна і Генадзя Бураўкіна
10 лістапада 2015
Сёньня а 19‑й гадзіне ў Вялікай залі Беларускай дзяржаўнай філярмоніі адбудзецца канцэрт памяці паэтаў Рыгора Барадуліна і Генадзя Бураўкіна «Струны сэрца чыстага». Ідэя правесьці мэмарыяльную вечарыну належыць народнаму артысту Беларусі, дырыжору Міхаілу Казінцу — выдатнаму музыканту і глыбокаму знаўцу беларускай літаратуры і паэзіі.
У першым аддзяленьні мэмарыяльнай вечарыны прагучаць песьні на вершы паэтаў. У суправаджэньні Нацыянальнага акадэмічнага народнага аркестра Рэспублікі Беларусь імя Ёсіфа Жыновіча пад кіраўніцтвам Міхаіла Казінца будуць сьпяваць Зьміцер Вайцюшкевіч, Ядзьвіга Паплаўская і Аляксандар Ціхановіч, Ігар Задарожны, Андрэй Коласаў, харавая капэла імя Рыгора Шырмы…
У 2‑м аддзяленьні Міхаіл Казінец будзе дырыжыраваць Дзяржаўным акадэмічным сымфанічным аркестрам Беларусі. Будзе выкананая Шостая сымфонія Андрэя Мдывані «Полацкія пісьмёны» — твор пра выдатных дзеячаў старажытнасьці Эўфрасіньню Полацкую і Францыска Скарыну.
@bajmedia
Супраць блогера Антона Матолькі распачалі спецвытворчасць паводле 13 крымінальных артыкулаў
22.07.2024
Прапагандыстка Бондарава адкарэктавала свой пост пра медыя Grodno.in. Верагодна, яна прайграла суд гродзенскаму парталу
25.04.2024
«А с кем разговаривать?» Белорусские футбольные тренеры стали жаловаться на журналистов
20.05.2024
«Творчасць — адзіная негвалтоўная форма свабоды». Альгерд Бахарэвіч пра галоўныя высновы свайго паўвеку
01.02.2025
