Мастацтва ў выгнанні: спрыянне зменам скрозь межы. Анлайн-размова

Фармат: Анлайн (Zoom)

Мова: руская, украінская, беларуская з перакладам на нямецкую

Дата і час: 29 красавіка, 18:00 па Мінску

29 красавіка ў межах выставы «Кожны дзень. Мастацтва. Салідарнасць. Супраціў», якая зараз праходзіць у Кіеве, Фонд імя Фрыдрыха Эберта сумесна з Прэс-клубам і Інфармацыйным офісам «Беларусь у фокусе» правядуць анлайн-дыскусію на тэму: «Мастацтва ў выгнанні: спрыянне зменам скрозь межы».

Палітычны крызіс у Беларусі выклікаў беспрэцэдэнтны масавы ад’езд творчых асоб і прадстаўнікоў інтэлігенцыі, якія ўплывалі на сацыяльныя і палітычныя змены. Многія вядомыя артысты сутыкнуліся з ціскам з боку ўладаў і пакінулі краіну ў пошуках асабістай бяспекі і свабоды слова.

Маючы магчымасць вольна рэалізоўваць свой тып мастацтва ў выгнанні, творчыя асобы далучыліся да палітычнага руху і імкнуцца паскорыць палітычныя змены. Зараз яны могуць кінуць выклік афіцыяльным наратывам і выклікаць эмоцыі так, як гэта не могуць зрабіць традыцыйныя палітычныя метады. Больш за тое, выгнанне інтэрнацыяналізавала іх сувязі і кантакты, дазволіла іх паведамленням і выявам выйсці за межы ды аб’яднаць супольнасць выгнанцаў і дыяспар.    

Мерапрыемства даследуе на асабістых прыкладах, як палітычны крызіс у Беларусі паўплываў на жыццё і творчасць беларускіх мастакоў і што азначае быць мастаком у выгнанні. Падчас размовы будзе разгледжана паняцце выгнання не толькі як псіхічнага ці фізічнага стану, але і як каталізатара змен, як функцыю мастацтва быць будаўніком палітычнай супольнасці праз межы.

Мадэратарка:

Саша Рэйзар, беларуска-амерыканская даследчыца, экспертка па літаратуры і авангарднаму кіно, беларускай і украінскай культурах, дыяспарным даследванням. 

Уступнае слова:

Крыстафер Форст, кіраўнік Фонда імя Фрыдрыха Эберта па Беларусі.

Олеся Островска-Люта, генеральная дырэктарка нацыянальнага культурна-мастацкага і музейнага комплексу “Мысцецкі арсенал” у Кіеве.

Спікеры:

• Вольга Шпарага, беларуская філосафка, прафесарка, выдавец

• Аляксей Барысёнак, куратар і пісьменнік, які зараз жыве і працуе ў Мінску і Вене  

Пры ўдзеле:

• Уладзімір Грамовіч

• Яна Шостак

• Леся Пчолка

• Артур Клінаў

Для ўдзелу патрэбна зарэгістравацца.

У дзень мерапрыемства на ваш email прыйдзе ліст ад нас з пасылкай для далучэння. Калі ласка, правярайце таксама папкі «Спам» ды «Промаакцыі», часам паведамленні ад нас могуць патрапіць туды.