Узнагароджанне пераможцаў конкурсу праектнай фатаграфіі ПРАФОТА-2015
15 снежня 2015
Запрашаем на ўзнагароджанне пераможцаў конкурсу праектнай фатаграфіі ПРАФОТА-2015 і прэзентацыю кнігі ПРАФОТА з вынікамі конкурсу 2014 года.
Сярод гасцей будуць старшыня журы конкурсу і аўтарка канцэпцыі кнігі Ганна Шпакава, арт-крытык конкурсу Вольга Шпарага, дырэктар Месяца фатаграфіі ў Мінску Андрэй Лянкевіч і ўся рэдкалегія кнігі поўным складам.
Чакаем у аўторак, 15 снежня, у 19.00 у прасторы ЦЭХ (Кастрычніцкая, 16 (ст.м.Першамайская), 2‑гі паверх, уваход праз бар Хуліган).
Лонг-ліст конкурсу можна пабачыць на нашым сайце http://www.prafota.by, а шорт-ліст будзе вядомы толькі падчас цырымоніі.
Прэмія ПРАФОТА ўручаецца другі раз. Сёлета на конкурс падалі 79 праектаў ад 53 аўтараў. У склад журы ўвайшлі Ганна Шпакава (старшыня журы), Святлана Паляшчук, Кен Шлес (Ken Schles), Сайман Норфалк (Simon Norfolk), Джэймз Ўэлфард (James Wellford), Джордж Джорджыў (George Georgiou), Барбара Штаўс (Barbara Stauss).
Па ўсіх пытаннях звяртацца па тэлефоне +375296868333,
Юля Дарашкевіч
@bajmedia
